Platelet Derived Growth Factor
De Begreep Platelet derived growth factor (kort: PDGF) steiht för en Koppel vun veer Wassdomsfakters (PDGF-A, PDGF-B, PDGF-C und PDGF-D), de all as Mitogen op Zellen wirkt, de jemehrn Oorsprung in’t Binngeweev vun Embryos hebbt. Bi Sehren warrt se vun de Bloodplattken freesett, üm dat Helen vun’t Geweev antoregen. Ok bi de Embryogenees speelt se en bedüden Rull[1].
Funkschoon ännern
PDGF warrt in de Embryogenees sünners bi’t Entwickeln vun Neren, Bloodfatten, Lungen un dat Zentralnervensystem, bi de Zellproliferatschoon, Zellmigratschoon, Wundhelen un de Angiogenees bruukt. Dat warrt ok mit verscheden Krankheiten as Arterioskleroos, Fibroos oder Kreeft in Verbinnen bröcht[1][2].
Wassdomsfakters kamt jümmer as Dimeren vör (Homo- oder Heterodimeren), de över Disulfidbrüchen verbunnen sünd, un binnt op dissen Weg jümmer twee Rezepters. Dordör bringt se de Rezepters dicht noog tosamen, dat de sik gegensietig an Tyrosinen phosphoryleeren künnt. Wenn se so aktiveert sünd, phosphoryleert se annere Proteinen in’t Binnere vun Zellen an spezifische Tyrosinen un leidt dat Signal wieter. Dorbi aktiveert se ünner annern ok den PI 3-Kinase-Signalweg (kiek ok: Rezepter-Tyrosinkinase)
Rezepters för PDGFs warrt in verscheden Zellen andrapen. To’n Bispeel warrt Fibroblasten dör den PDGF dorto anregt, sik to delen (Man PDGF alleen reckt nich dorto ut, dat de Delen spoodriek afslaten warrt)[3].
Historie ännern
Ross un Mitarbeiters hebbt 1974 opdeckt, dat en Fakter, de vun Bloodplattken (engelsch platelets) produzeert warrt, dat Wassdom vun gladde Muskulaturzellen ut Apen bannig effektiv anregen de[4]. De Fakter is denn ok na sien Afkumst plateled derived growth factor nöömt worrn un hett siet de Tiet veel dorto bidragen, de Signaltransdukschoon to verstahn. Wiel de klassischen PDGFs A un B al siet längere Tiet bekannt sünd, sünd PDGF-C (2000)[5] un PDGF-D (2001)[6] eerst vör körte Tiet opdeckt.
Borns ännern
- ↑ a b Li X, Eriksson U: Novel PDGF family members: PDGF-C and PDGF-D, 2003, Cytokine Growth Factor Rev., Bd. 14 (2), S. 91–98 [1]
- ↑ Heldin CH, Westermark B: Mechanism of action and in vivo role of platelet-derived growth factor. Physiol Rev. 1999 Oct;79(4):1283-316. PMID 10508235
- ↑ kiek dorto: Kim et al: Platelet-derived growth factor induces apoptosis in growth-arrested murine fibroblasts. Proc Natl Acad Sci U S A. 1995 October 10; 92(21): 9500–9504. PMID 7568162
- ↑ Ross R, Glomset J, Kariya B, Harker L: A Platelet-Dependent, Serum Factor That Stimulates the Proliferation of Arterial Smooth Muscle Cells In Vitro. Proc Natl Acad Sci U S A. 1974 Apr;71(4):1207-10. PMID 4208546
- ↑ Li X, Ponten A, Aase K, Karlsson L, Abramsson A, Uutela M, Backstrom G, Hellstrom M, Bostrom H, Li H, Soriano P, Betsholtz C, Heldin CH, Alitalo K, Ostman A, Eriksson U: PDGF-C is a new protease-activated ligand for the PDGF alpha-receptor. Nat Cell Biol. 2000 May;2(5):302-9. PMID 10806482
- ↑ Bergsten E, Uutela M, Li X, Pietras K, Ostman A, Heldin CH, Alitalo K, Eriksson U: PDGF-D is a specific, protease-activated ligand for the PDGF beta-receptor. Nat Cell Biol. 2001 May;3(5):512-6. PMID 11331881