Polykarp Kusch
Polykarp Kusch (* 26. Januar 1911 in Blankenburg, Düütschland; † 20. März 1993 in Dallas, Texas, USA) weer en US-amerikaansch Physiker un Nobelpriesdräger.
Leven un Wark
ännernPolykarp Kusch keem 1912 mit sien Familie ut Düütschland in de USA. 1931 kreeg he sien Bachelor Afsluss an dat Case Institute of Technology un 1933 sien Master-Afsluss an de University of Illinois at Urbana-Champaign. An disse Universität hett he denn ok 1936 sien Doktertitel mit en Thema ut den Beriek optische Molekülspektroskopie bi F. Loomis Wheeler maakt. 1936 weer he Assistant an de University of Minnesota (wo he sück mit Massenspektrometern befaat hett) un af 1937 Instructor an de Columbia University, wo he ok in den Tweeten Weltkrieg an militärisch Forschen bedeeligt weer. De dorbi lehrt Techniken ut de Mikrowellenelektronik hett he nah den Tweeten Weltkrieg in de Spektroskopie anwennd. 1941 bit 1942 weer he Entwicklungsingenieur bi Westinghouse Electric un 1944 bit 1946 weer he Forscher an den Bell Laboratories. Af 1946 weer he Associate Professor un af 1949 Perfesser an de Columbia University, deren Physik-Fakultät he van 1949 bit 1952 un 1960 bit 1963 vörstunn. Anfangs hett he an de Columbia University eng mit Isidor Isaac Rabi tosommenarbeit. 1969/70 weer he Viezpräsident vun de Universität un Dekan vun de Fakultät un 1970/71 Provost. 1952 bit 1960 weer he Executive Director vun dat Radiation Laboratory vun de Columbia University. 1972 wurr he Perfesser an de University of Texas at Dallas, wo he af 1982 Perfesser Emeritus war. 1952 bit 1957 weer he Berader för IBM.
He hett tonächst an de magnetisch Karnspinresonanz arbeit, mit deren Hülp dat magnetische Moment vun en Atomkarn bannig nipp un nau bestimmt wurrn kann. Wiedergahn Versööksreegen to dat Bestimmen vun den magnetischen Moment vun dat Elektron an Natrium-, Gallium- un Indium-Atomen hemm en Afwieken vun den theoretisch to verwachten Wert ergeven. För dit Opdecken kreeg Kusch tosommen mit Willis Eugene Lamb 1955 den Nobelpries för Physik. För de Quantenelektrodynamik, de as eenzig Theorie disse Afwieken verklooren kunn, hett disse Opdecken den Dörbröök to en breet Anerkennung beddüd.
Later hett Kusch in chemisch Physik an Molekülstrahlen forscht. En vun sien Studenten weer Gordon Gould, de to de Utfinners vun dat Laser hörrt.
Privates
ännernKusch weer in eerste Ehe mit Edith Starr McRoberts verheiraadt, mit de he dree Döchter harr. Se is 1959 storven. 1960 hett he denn Betty Pezzoni heiraadt.
Ehrungen
ännernSiet 1956 weer Kusch Liddmaat vun de National Academy of Sciences. He weer Ehrendokter vun de Ohio State University, dat Case Institute of Technology, dat Colby College un de University of Illinois.