Rügen

Rügen is dat gröttste Eiland vun Düütschland. Dat höört bi Mekelnborg-Vörpommern un is bit to’n 4. September 2011 ok’n egenstännigen Landkreis wesen. Nu höört dat to’n Landkreis Vörpommern-Rügen.

Mönkgood

Caspar David Friedrich

Rügen

Dat Eiland liggt in’e Oostsee un warrt scheedt vun’t Fastland dör den smallen Strelasund un den veel bredern Griepswolder Bodden. Dat Eiland meet 935 km² un tellt 73.000 Inwahners (2001). De Hööftstadt is Bargen. Wichtig sünd de Tourismus un de Verkehr mit Skandinavien över den Haven vun Neu Mukran (früer Sassnitz).

In’e Boddens wörrn Fünn’ maakt, wat wiesen doon, dat al in’t Steenöller Minschen up Rügen tohuus weren. Later kemen Germanen (Rugiers) un ünner de grote Volkwannering ok slaavsche Stämm (Ranen oder Rujanen) na’t Eiland. Dunn hüür Rügen bi’t Hertogdom Pommern, Sweden, Prüzen un bi’t Düütsche Riek. Na’n Tweden Weltkrieg hüür Rügen bi’e DDR un siet de Weddervereening is dat nu’n Deel vun’t Bundsland Mekelnborg-Vörpommern.

• 
  Binz
• 
  Nationalpark Jasmund

Weblenken

Rügen. Mehr Biller, Videos oder Audiodateien to’t Thema gifft dat bi Wikimedia Commons.

• Rügen (hoochdüütsch)