Rachel Ward

Rachel Claire Ward (* 12. September 1957 in Cornwell Manor, Chipping Norton, Oxfordshire, England) is en britisch-austraalsche Filmschauspelersche, Speelbaassche un Dreihbookschrieverin.

Rachel Ward (2009) bi’t Toronto International Film Festival

Leven un Loopbahn

Ward stammt ut en aristokraatsch Huus un hett in ehr Kindheit Privatscholen besöcht. In Paris hett se en Kunststudium beleggt un füng dorna an, as Model to arbeiten. Se is 1976 denn in de USA ümtogen un weer 1983 as een vun de schönsten Fronslüüd vun de Welt ehrt. Ehrn eersten groten Optritt as Schauspelersche harr se 1981 an de Siet vun Burt Reynolds in den Film Sharky’s Machine. För disse Rull is se ok för den Golden Globe nomineert worrn.

Enn vun de 1970er Johren weer Ward mit David A. Kennedy tosamen. Internatschonal bekannt worrn is se dör de Feernseh-Minireeg The Thorn Birds. Wiel de Dreiharbeiten keem se mit Bryan Brown, den se een Johr later heiraat hett. De beiden hebbt 1987 in den Film The Umbrella Woman noch mol tosamen för de Kamera stahn, as ok 2000 in den Film On the Beach. Privat hebbt de beiden tosamen dree Kinner.

In ehr Wahlheimat Australien is Ward jümmer en Star bleven, wiel se in Hollywood un in Europa na ehr beiden „Femme fatale“-Rullen in Dead Men Don’t Wear Plaid un Against All Odds kuum wieter opfallen is. Siet 2000 arbeit Ward ok as Speelbaassche und as Dreihbookschrieversche. Ehr Regiearbeiden weern vun de austraalschen Presse good opnahmen.

Filmografie (Utwahl)

Johr	Titel	Funkschoon	Synchroonsnacker
1979	Christmas Lilies of the Field, Feernsehn	Schauspeler
1981	Night School dt.: Terror Eyes - Der Frauenköpfer	Schauspeler	Rebecca Völz
1981	Sharky’s Machine dt.: Sharky und seine Profis	Schauspeler
1982	Dead Men Don’t Wear Plaid dt.: Tote tragen keine Karos	Schauspeler	Franziska Pigulla (Synchro 1999)
1983	The Thorn Birds, Feernseh-Minireeg dt.: Die Dornenvögel	Schauspeler	Viktoria Brams
1984	Against All Odds dt.: Gegen jede Chance	Schauspeler	Traudel Haas
1987	Hotel Colonial	Schauspeler
1987	The Umbrella Woman dt.: Der Versuchung verfallen	Schauspeler
1989	How to Get Ahead in Advertising dt.: Kopf an Kopf	Schauspeler	Christina Hoeltel
1989	Shadow of the Cobra, Feernsehn dt.: Im Schatten der Cobra	Schauspeler	Dagmar Dempe
1990	After Dark, My Sweet	Schauspeler	Kornelia Boje
1991	And the Sea Will Tell, Feernsehn dt.: Nur die See kennt die Wahrheit	Schauspeler
1992	Christopher Columbus: The Discovery dt.: Christopher Columbus – Der Entdecker	Schauspeler	Joseline Gassen
1992	Double Jeopardy, Feernsehn dt.: Mörderisches Dreieck	Schauspeler
1993	Wide Sargasso Sea dt.: Sargasso Sea – Im Meer der Leidenschaft	Schauspeler
1994	The Ascent	Schauspeler
1997	My Stepson, My Lover, Feernsehn dt.: Vergib mir, denn ich liebe unseren Sohn	Schauspeler
1999	Seasons of Love, Feernsehn	Schauspeler
2000	On the Beach, Feernsehn dt.: USS Charleston – Die letzte Hoffnung der Menschheit	Schauspeler	Traudel Haas
2001	And Never Let Her Go, Feernsehn	Schauspeler
2002	Johnson County War, Feernsehn	Schauspeler
2003	Martha’s New Coat	Speelbaas	–
2007	Rain Shadow, Feernseh-Minireeg	Schauspeler
2009	Beautiful Kate	Dreihbook, Speelbaas	–
2013	An Accidental Soldier, Feernsehn	Speelbaas	–
2016	The Death and Life of Otto Bloom	Schauspeler
2018	Peter Rabbit, Animatschoon, Stimm	Schauspeler	Sabine Walkenbach

Utteken

Ward weer för ehr Filmwarken bit hüüt (September 2014) söventeihn mol för Filmpriesen vörslahn, dorünner dreemol för den Golden Globe. Wunnen hett se aver eerst twee Priesen:

• 1987: den Pries as Beste Schauspelersche vun’t Tokyo International Film Festival för The Umbrella Woman
• 2001: den AFI Award in de Kategorie Best Fiction-Kortfilm för The Big House

Weblenken

Rachel Ward. Mehr Biller, Videos oder Audiodateien to’t Thema gifft dat bi Wikimedia Commons.

• Rachel Ward in de Internet Movie Database (engelsch)
• Literatur vun un över Rachel Ward in n Kataloog vun de Düütschen Natschonalbökeree
• New Town Films – Offizielle Websteed vun Rachel Ward un Bryan Brown