Hauptmenü öffnen
Filmdaten
Plattdüütsch Titel:
Originaltitel: Rainbow Valley
Düütsch Titel: Im Tal des Regensbogens
Produkschoonsland: USA
Johr vun’t Rutkamen: 1935
Läng: 52 Minuten
Originalspraak: Engelsche Spraak
Filmkru
Speelbaas: Robert N. Bradbury
Dreihbook: Lindsley Parsons
Produkschoon: Paul Malvern
Musik: Arthur Kay
Kamera: William Hyer
Snitt: Carl Pierson
Dorstellers

Rainbow Valley (op plattdüütsch so veel as „Regenbagen-Daal“; dt. Titel: Im Tal des Regenbogens) is de Titel vun en US-amerikaanschen Western ut dat Johr 1935. In den B-Movie hett John Wayne de Hööftrull speelt, Speelbaas weer Robert N. Bradbury. De Premiere weer an’n 15. März 1935 in de USA[1].

InholtÄnnern

John Martin (in de düütsche Faten: Chris Morell) is op’n Weg na Rainbow Valley as he den ollen George Hale dröpt, de mit sien Auto de Post transporteert. John kummt em to Hülp, as he vun veer Lüüd överfallen warrt. Siet de Straat bi en Unweder dör en Eerdrutsch ünnerbroken worrn is, is de Oort meist vun de Butenwelt afsneden. Dat nütt en Bande ut, de den Neebo vun de Straat jümmer wedder hinnern deit.

John, de sik ogenschienlich to wehren weet, warrt vun de Lüüd in Rainbow Valley beden, den Stratenbo vöran to bringen – en Opgaav, de he geern annimmt. Togliek sett de Börgers en Bittschrift an den Gouverneur op, in de se üm Hülp gegen de Bande beden doot. Man, disse Bittschrift warrt vun de Verbrekers affungen un ännert. Jemehr Baas, Butch Galt, sitt neemlich in’t Gefängnis un warrt op de Petitschoon hen freelaten. As Butch vun John sien Arbeit höört, versöcht he em op sien Siet to bringen, vunwegen de gemeensome Tiet, de se mol in’t Gefängnis seten hebbt.

In Wohrheit aver is John en verdeckten Agent vun de Regeren, de Galt un sien Bande op de Spoor is un blots in’t Gefängnis gahn is, üm Kuntakt to em to kriegen. To’n Schien geiht he op Galt sien Vörslag in, de Straat een för all Tieten tonichten to maken. Egentlich hett he aver in’n Sinn, mit de Hülp vun de Bande un jemehr Dynamit den Bo vun de Straat to Enn to bringen. De Inwahners weet dorvun man nix un gaht mit jemehr Wapen gegen de Bande vör, so dat John sülvst in Gefohr kummt. De kann aver hinnern, dat de Inwahners wat passeert. Galt lööst en Explosion ut, wobi he aver blots sien egen Lüüd ümbringt un togliek den Dörbrook för de Straat sprengt. John sien Plaan is opgahn.

WeblenkenÄnnern

BornsÄnnern

  1. Premierendaten op IMDb afropen an’n 2. Juni 2013