Filmdaten
Plattdüütsch Titel:
Originaltitel: Raw Deal
Düütsch Titel: Der City Hai
Produkschoonsland: USA
Johr vun’t Rutkamen: 1986
Läng: 97 Minuten
Originalspraak: Engelsch
Öllersfreegaav in Düütschland: FSK 16
Filmkru
Speelbaas: John Irvin
Dreihbook: Luciano Vincenzoni
Sergio Donati
Gary de Vore
Norman Wexler
Produkschoon: Martha Schumacher
Musik: Tom Bähler
Albhy Galuten
Chris Boardman
Claude Gaudette
Kamera: Alex Thomson
Snitt: Anne V. Coates
Kledaasch: Clifford Capone
Dorstellers

Raw Deal (op platt so veel as „Groff Hannel“; dt. Titel: Der City Hai) is de Titel vun en US-amerikaanschen Actionfilm ut dat Johr 1986 mit Arnold Schwarzenegger in de Hööftrull. De Film is an’n 21. August 1986 in de düütschen Kinos anlopen.

Inholt ännern

Mark Kaminsky is inst en Agent vun’t FBI un för sien harden Methoden bekannt wesen. As he een Dag ’n b eten to groff gegen den Möörder vun en lütte Deern vörgeiht, mutt he sien Hoot nehmen. Anners mutt he dormit reken, dat de Staatsafkaat Baxter em dorför anklagen de un he denn doch Bott geven mutt. Kaminsky tütt sik torüch in en verslapene lütte Stadt in de Süüdstaten vun de USA, woneem he as Sheriff för Ornen sorgt.

Na fief Johren nimmt sien fröheren Vörsett’ten, de FBI-Baas Harry Shannon, Kuntakt to em op un gifft em de Mööglichkeit, sien go’en Naam un sien ollen Job wedder to kriegen. In Chicago hett neemlich in de Twüschentiet de öörtliche Mafia dat Seggen, un geiht dor brutal gegen jeedeen vör, de in’n Weg steiht. De korrupte Polizei as ok de Justiz warrt dorgegen mit Smeergeld to Roh bröcht. Bi de Wacht över en Kroontügen warrt ok Harry sien Söhn doodschaten. Kaminsky schall sik dorüm in’n privaten Opdrag vun Harry ünner en verkehrten Naam in de Organisatschoon inslieken un versöken, dat Vertroen vun den Paten, Luigi Patrovita, to winnen. Dormit schall he de Grundlaag setten, de Organisatschoon tonichten to maken.

Toeerst geiht allns goot. Ünner den Naam Joseph P. Brenner nimmt Kaminsky Kuntakt op to Patrovita un maakt butendem ok noch en vun sien Konkurrenten binnen de Mafia an de Siet. Gau faat Patrovita Vertroen to Kaminsky. Den aver maakt he en groten Fehler, as he sik in de Mafiabruut Monique verkieken deit. De arbeit neemlich as Dubbelagentsche för Patrovita. Den sien Macker Max, de Ieversüchtig is, finnt rut, dat Kaminsky nich de is, de he seggt, un lett sien Tarnung toletzt opflegen lett.

In de Twüschentiet stellt sik rut, dat ok de Staatsafkaat Baxter korrupt is un ok för Patrovita arbeiten deit. Max stellt Kaminsky en Fall, vunwegen dat he em den Opdrag gifft, sien FBi-Fründ un Opdraggever Harry op en Karkhoff doodtoscheten, de dor dat Graff vun sien Söhn besöcht. As Kaminsky Kloor warrt, Max em op Harry ansett hett, schütt he an Harry sien Steed Max dood, man Harry kriggt bi de Scheeteree swoor wat af. Kaminsky föhrt torüch in de Stadt un fangt en gresige Scheeteree an, bi de he all Gangsters tohopen doodscheten deit – dorünner ok Baxter un den Mafiabaas Patrovita sülvst.

In’n Alleengang hett he de Organisatschoon tweislahn un warrt an’t Enn to’n Dank wedder bi’t FBI instellt.

Kritik ännern

  • Roger Ebert schreev in de Chicago Sun-Times vun’n 6. Juni 1986, dat de Film to’n Enn hen vun dat Kunzept af weer, dat an’n Anfang verfolgt weer. So as de Film Cobra weern de Geschicht, de Figuren, de Logik, de Plausibilität, de Kunst, de Smack, un de Still Oppers vun den „Fetis vun de Action ahn Poos“[1].
  • Lexikon vun’n internatschonalen Film: „Lediglich an spektakulärer Action und dem bluttriefenden Schluss interessierte, äußerst fragwürdige Unterhaltung ohne inszenatorische und schauspielerische Qualitäten.“[2]

Borns ännern

  1. Kritik vun Roger Ebert
  2. Lexikon vun’n Lexikon vun’n internatschonalen Film, CD-ROM-Utgaav, Systhema, München 1997 /[1]

Weblenken ännern