Rio Grande (Belize)

De Rio Grande is en üm un bi 85 Kilometer langen Stroom in’n Distrikt Toledo in Belize, de in de Karibische See münnt.

In’n Noorden von San Miguel

Rio Grande bi Big Falls

De Stroom hett en Afströömrebeed von üm un bi 660 km².

Verloop

De Stroom hett sien Born in de Maya-Bargen in de Columbia River Forest Reserve. Dor nimmt he ünnereerdsch ok dat Water von’n Central River op, de in de Maya-Bargen in’n Karstbodden versickert. Von dor flütt de Rio Grande na Süüdoosten bet na’n Oort San Miguel. In’n Westen von Big Falls nimmt de Rio Grande von rechts den Columbia Branch op, de von San Pedro Columbia kummt. In dat Dörp Silver Creek münnt de Silver Creek in’n Rio Grande, de denn dör Big Falls un an Pine Hills vörbi löppt. In’n Noorden von Jacintoville un Forest Home nimmt de Stroom von rechts den Jacinto Creek op. Toletzt münnt de Rio Grande in’n Noordoosten von Cattle Landing in de Karibische See.

In Big Falls geiht de Southern Highway mit en Brügg över’n Stroom.

Weblenken

Rio Grande (Belize). Mehr Biller, Videos oder Audiodateien to’t Thema gifft dat bi Wikimedia Commons.