Rufus Sewell
Rufus Frederick Sewell (* 29. Oktober 1967 in Twickenham, Greater London, England) is en britischen Schauspeler.
Leven un Wark
ännernRufus Sewell hett sien Utbilln as Schauspeler an de Central School of Speech and Drama in London afslaten. An’t Theater füng he 1992 mit dat Stück Making It Better. För sien Rull is he dat glieke Johr bi de Critics’ Circle Theatre Awards vun London as Best Becomer uttekent worrn. Sien Rull in Tom Stoppard sien Theaterstück Arcadia hett em sien eerste Nomineren för en Olivier Award inbröcht. He hett ok an’n Broadway speelt, un kreeg dor för sien Rull in Translations den Broadway Theater World Award.
In’t Kino weer he 1991 to’n eersten mol to sehn in Don Boyd sien Film Twenty-One. Tokiekers un Kritikers künn he 1994 as Will Ladislaw in de Feernsehminireeg Middlemarch vun de BBC övertügen. In de Johren dorna speel he tallrieke Rullen in britische Feernsehprodukschonen un Verfilmen vun histoorsche Themen. Veel Spood harr he to’n Bispeel mit sien Dorstellen vun Charles II. as ok mit de Rull Petruchio in en moderne Neefaten vun The Taming of the Shrew (dt.: Der Widerspenstigen Zähmung) vun William Shakespeare. Sewell hett mit bekannte Speelbasen as John Schlesinger, Kenneth Branagh un Michael Apted arbeit. To sien bedüdensten Filmwarken tellt ünner annern de Science-Fiction-Film Dark City (1998), Bless the Child oder ok (2000), A Knight’s Tale (2001).
Blangen de Filmarbeit steiht Rufus Sewell wieter ok regelmatig op de Bühne. 2006 hett he in London in Tom Stoppard sien Musiktheater Rock’n’Roll övertüügt un hett för sien Dorstellen mehrere Priesen wunnen.
Sewell weer vun 2004 bit 2006 in tweete Eh mit Amy Gardner verheiraat, mit de he en Söhn hett.
Filmografie (Utwahl)
ännernUtteken
ännernSewell hett för sien Filmwark bit hüüt (September 2015) noch keen Filmpriesen wunnen, man he weer veer mol nomineert.
Weblenken
ännern- Rufus Sewell in de Internet Movie Database (engelsch)