Russ Freeman (Pianist)
Russ Freeman (Russell Donald Freeman; * 28. Mai 1926 in Chicago, Illinois; † 27. Juni 2002 in Las Vegas, Nevada) weer en US-amerikaansch Jazz-Pianist.
Freeman, de en klassisch Klaveerausbildung harr, hett in de 1940er Johren in Los Angeles mit Musikers as Howard McGhee, Al Killian, Dexter Gordon, Wardell Gray, Sonny Criss, Shelly Manne, Shorty Rogers un Art Pepper arbeit. 1947 is he mit Charlie Parker uptreden un hett 1954 in Boston rosommen mit Serge Chaloff upnommen. 1953-54 weer he Liddmaat vun dat eerste Quartett vun Chet Baker un arbeit siet 1955 för eld Johr mit den Slagtüüchspeler Shelly Manne in de sien Band Shelly Manne & His Men, dorneben 1958-59 ok mit Benny Goodman. He weer an Schallplatten vun Zoot Sims, Art Pepper, Maynard Ferguson un Clifford Brown, as ok Lambert, Hendricks & Ross bedeeligt.
Siet Anfang vun de 1960er Johren truck he sück immer mehr vun de Musikbedriev torüch. 1962 hett he en Verlag grünnd, hett Slager komponeert, speel Soundtracks för Feernsehn un Film is un is blots noch af un an uptreden.
Diskographisch Henwiesen
ännern- Russ Freeman Trio [Pacific Jazz], 1953
- Trio With Richard Twardzik (mit Joe Mondragon, Monty Budwig, Shelly Manne), 1953
- Freeman/Baker Quartet, 1956
- Double Play, 1957
- One to One (Contemporary Records, 1982) mit Shelly Manne