Bi den Russt oder Russ, ok as Hoochdüütsch Glatten Loopkäver, (Carabus glabratus) hannelt sik dat um en Käver ut de Familie vun de Loopkävers (Carabidae).

Russt; Russ; Glatten Loopkäver
Russt (Carabus glabratus)
Systematik
Stamm: Liddfööt (Arthopoda)
Ünnerstamm: Tracheendeerter (Tracheata)
Böverklass: Sessfööt (Hexapoda)
Klass: Insekten (Insecta)
Ünnerklass: Fleeginsekten (Pterygota)
Böverornen: Neeflunken (Neoptera)
Ornen: Kävers (Coleoptera)
Ünnerornen: Adephaga
Familie: Loopkävers (Carabidae)
Ünnerfamilie: Carabinae
Geslecht: Echte Loopkävers (Carabus)
Oort: Russt (Carabus glabratus)
Wetenschoplich Naam
Carabus glabratus
Paykull, 1790
Fritt mit en Wöpsen an en Naaktsniggen
Carabus glabratus löppt dwarsweg över'n Wooldweg. (Video, 1m 22s)

Kennteken ännern

De Kävers weert 22 bit 35 Millimeters lang. Dat Lief is dunkelblau bit swatt mit duffen Glanz. De ovalen Deekflunken sünd duchtig wölvt, ohn Striepen, man mit ganz fiene Buckels dorup. Dat Halsschild is breeder, as lang un de Rand is hoochbagen. Twuschen de Sternite vun’t Achterlief sitt en lüttje Gölen. De Russt sleiht bannig na den Vigeletten Loopkäver (C. violaceus), man de Farv an’n Rand vun de Deekflunken verscheelt sik doch.

Wo se vörkaamt ännern

De Deerter kaamt in Europa na Osten hen bit to’n Ural vör. Na Norden to sünd Russte bit över den Polarkreis hen to finnen. Se leevt vun Juli bit Oktober in Loof- un Mischwoold, wo dat nich to dröge is un an de Övers vun Beken in’n Woold un in’t Wooldmoor. Dor hoolt se sik in dood Holt un in Moss up. Tohuse sünd se vun dat Siedland bit hooch to 2.000 Meters in’e Barge.

Wie se leven doot ännern

De Imagines sünd meist in’e Nacht unnerwegens, man bi Regen sünd se ok an’n Dag togange. Se leevt as Rövers un freet lüttje Deerter, as Insekten, Wörmer un Sniggen. De Budden wesselt dreemol ehre Huud, bit se sik den in en Höhlen verpoppen doot. De Budden un ok de olen Kävers överwintert twuschen Moss oder in Klöven in Doodholt oder Boomstümp.

Literatur ännern

  • Ekkehard Wachman, Ralph Platen, Dieter Barndt: Laufkäfer – Beobachtung, Lebensweise, Naturbuch-Verlag Augsborg, 1995, ISBN 3-89440-125-7

Weblenken ännern

  Russt . Mehr Biller, Videos oder Audiodateien to’t Thema gifft dat bi Wikimedia Commons.