Hauptmenü öffnen

Sally Oldfield (* 3. August 1947 in Dublin, Irland) is en irische Singerscher un Komponistin. Se is de öllere Süster vun den Musiker Mike Oldfield.

De Musik vun Sally Oldfield is to’n gröttsten Deel vun ehr sülvst schreven un kann twüschen Folk un New Age inordent warrn. Af un to lett se ok keltische Elementen mitklingen, wodör man ehr ok op egen Wies as Vörlöpersche vun Enya oder Loreena McKennitt ansehn künn. Man, en so utprägt Profil as de beiden hett Sally Oldfield nich entwickelt un hett ok bi’t Publikum wiet weniger Intresse funnen.

Tosamen mit ehrn Broder Mike hett Sally Oldfield 1967 dat Folk-Duo The Sallyangie grünnt. Man, jemehr Tohopenarbeit hett blots kort anduert, vun wegen dat se beide ünnerscheedliche künstlerische Intressen harrn. Dorüm is vun jem as Duo mit „Children of the Sun“ blots een Album publizeert worrn.

Ehr Solo-Loopbahn hett Sally Oldfield 1978 anfungen mit dat Album „Waterbearer“ un mit de Single „Mirrors“. Ok mit de beiden nafolgenden Alben un de Leder „Celebration“ un „Mandala“ harr se Spood. Enige vun ehr lateren Alben sünd in Düütschland produzeert worrn, güngen denn aver musikaalsch un vun’n Inholt her mehr in’n Mainstream un in’t Middelmaat. In jüngerer Tiet orientgeert sik Sally Oldfield wedder mehr op den engelsch-amerikaanschen Ruum un bewegt sik wedder starker in dat Rebeet Esoterik.

DiskografieÄnnern

AlbenÄnnern

  • 1969: Children Of The Sun (as The Sallyangie tosamen mit Mike Olfield)
  • 1978: Waterbearer
  • 1979: Easy
  • 1980: Celebration
  • 1981: Playing in the Flame
  • 1982: In Concert
  • 1983: Strange Day in Berlin
  • 1987: Femme
  • 1988: Insitincts
  • 1990: Natasha
  • 1992: The Flame
  • 1994: Three Rings
  • 1996: Secret Songs
  • 2001: Flaming Star
  • 2001: Mirrors
  • 2003: Absolutely Chilled

Singles (Utwahl)Ännern

  • 1978: Mirrors
  • 1979: You Set My Gypsy Blood Free
  • 1979: The Sun in My Eyes
  • 1980: Mandala
  • 1980: Celebration
  • 1981: Morning of My Life
  • 1982: Playing in the Flame
  • 1983: Path With a Heart
  • 1985: Share
  • 1987: Silver Dagger
  • 1988: Andromeda Rising
  • 1989: I Say Nothing
  • 1990: Natasha
  • 1990: Guiding Star
  • 1994: Digging for Gold
  • 1995: Three Rings
  • 1996: Mystic Drum
  • 1997: Masquerade
  • 2001: Mirrors
  • 2003: Private Collection
  • 2006: Singing My Life

WeblenkenÄnnern