Sankt Petersborg

Disse Artikel is man blots en Stubben. Du kannst Wikipedia helpen un em verbetern.

Sankt Petersborg (russisch Санкт-Петербург Sankt Peterburg), vun 1914 bet 1924 Petrograd un vun 1924 bet 1991 Leningrad nöömt, is na Moskau de tweetgröttste Stadt vun Russland. Sankt Petersborg liggt in’n Noordwesten vun dat Land, nich wiet af vun Eestland un Finnland. De Stadt hett 4,9 Millionen Inwahners (2012).

Wapen/Flagg	Koort
	Fehler
Basisdaten
Russland
Flach:	1.439 km²
Inwahners:	5.597.763
Inwahnerdicht:	3.890 Inwahners pro km²
Postleettall:	190000–199406
Vörwahl:	812
Geograafsche Laag:	59° 57′ N, 30° 19′ O
Grenzen bi OSM:	337422
Börgermeester:	Alexander Dmitrijewitsch Beglow
Websteed:	http://gov.spb.ru
Koort

De Nikolaskathedraal

Historie

• 1703 vun Peter den Groten grünnt.
• In Sankt Petersborg fungen de Revolutschoon vun 1905 bet 1907, de Februarrevolutschon un de Oktoberrevolutschon an.
• In den Tweten Weltorlog is de Stadt 29 Maanden lang vun düütschen Truppen belagert warrn.
• 2003 300-Johr-Fier

Politik

Sankt Petersborg weer vun 1721 bet 1918 Hööftstadt vun Russland. In den Eersten Weltkrieg weer de Naam för de Russen to düütsch, un so weer de Naam 1914 na Petrograd russifizeert. Dree Daag na den Dood vun Wladimir Iljitsch Lenin weer de Stadt 1924 denn Leningrad nöömt. Na dat Enn vun de Sowjetunion in’t Johr 1991 hebbt de Inwahners vun de Stadt över den Naam afstimmt un 54 % weren dorför, den olen Naam trüchtokriegen. Un so heet de Stadt vundaag wedder Sankt Petersborg. Blots de Provinz, wo St. Petersborg binnen liggt, heet jümmers noch Leningradskaja Oblast.

Geographie

Sankt Petersborg liggt an de Münn vun de Newa in den Finnischen Meerbusen un besteit ut vele Inseln.

wichtige Lüüd

• Alexander Rodtschenko
• Leonhard Euler
• Wladimir Putin
• Elsa Brändström
• Ayn Rand
• Anna Achmatowa
• Josef Brodsky

Attraktschonen

Eremitage, Isaakskathedrale, Peder-un-Pauls-Festung, Panzerkreuzer Aurora, de witten Nachten, vele Brücken.

Weertschop un Verkehr

In Sankt Petersborg is besünners maritim orienteerte Industrie, dat heet Warften, Maschinenbo un so wieder. Denn besitt de Stadt Möbelindustrie, Nehrensmiddelindustrie (to’n Bispeel de bekannte Brueree Baltika) un Eerdöölveraorbeiden Industrie. Sankt Petersborg is wichtig för den Verkehr. De Stadt is de gröttste Haven vun Russland. Vun Sankt Petersborg gaht ok Fährscheep no Königsbarg, Stockholm, Helsinki, Kiel un anner Havenstäder an de Oostsee. Över de Newa un verschillige Kanäle besteiht schippbore Verbinnen to’n Ladogasee, to de Wolga un to de Witte See. Dorför geiht de Scheep bi Nacht dör dat Rebeet vun de Stadt. Iesenbahn liet no Murmansk, Kirow, Moskau, Tallinn un Helsinki.

Weblenken

Sankt Petersborg. Mehr Biller, Videos oder Audiodateien to’t Thema gifft dat bi Wikimedia Commons.