Seevenhusen

Wapen/Flagg Koort
hett keen Wapen
Seevenhusen
Laag vun Seevenhusen in Düütschland
Basisdaten
Bundsland: Neddersassen
Landkreis: Horborg
Gemeen: Seevdaal
Inwahners:
Postleettall: 21217
Vörwahl: 040
Geograafsche Laag:
Koordinaten:53° 25′ N, 10° 6′ O
53° 25′ N, 10° 6′ O

Seevenhusen (hoochdüütsch Seevenhausen) is en lütten Oort in de Gemeen Seevdaal in’n Landkreis Horborg, Neddersassen.

GeografieÄnnern

Seevenhusen liggt in de Masch op dat linke Över an de Münn von de Seev in de Elv. Dat Rebeed ümto is as Naturschuulrebeed Ünner Seevdaal schuult.

De Naveröörd sünd Overhaken in’n Noorden, Browisch in’n Noordoosten, Wuhlenborg un Rosenweid in’n Oosten, Stell in’n Süden, Hössen in’n Süüdwesten, Freeswardermoor in’n Westen un Over in’n Noordwesten.

HistorieÄnnern

VerwaltungsgeschichtÄnnern

In de Franzosentied von 1810 bet 1814 hett de Oort to de Mairie Mäkelfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Neeland-Over in dat Amt Horborg tohöört. Na 1885 weer dat in’n Kreis Horborg. 1932 is dat Deel von’n ne’en, grötteren Landkreis Horborg worrn.

De Oort is as Deel von de Gemeen Over an’n 1. Juli 1972 mit de Gemeenreform in Neddersassen Deel an de Gemeen Seevdaal kamen.

InwahnertallÄnnern

Johr Inwahners
1812-00-001812[1] 6
1824-00-001824[2] 1 Füürsteed
1848-00-001848[3] 5 Lüüd, 1 Huus
1871-12-011. Dezember 1871[4] 6 Lüüd, 1 Huus

ReligionÄnnern

Seevenhusen is evangeelsch-luthersch präägt un höört siet 1948 to dat Kaspel Mäkelfeld. Vörher hett de Oort to dat Kaspel von de Mauritius-Kark in Hittfeld höört. De Kapell Over gifft dat siet 1952.

För de Kathoolschen is de Goden-Hirt-Kark in Winsen tostännig.

Weertschop un InfrastrukturÄnnern

VerkehrÄnnern

Seevenhusen liggt an de Steed, an de de Kreisstraat 25 to de K 1 warrt. De K 25 löppt in’n Noordwesten över Over un Bullenhuus na Neeland un Horborg un de K 1 in’n Süüdoosten över Rosenweid, Flegenbarg un Hoopt na Winsen.

De nächste Autobahn is de Autobahn 39. De Opfohrt 2 Maschen liggt so acht Kilometer in’n Süüdwesten von Seevenhusen. Över de A 39 besteiht över dat Maschener Krüüz ok Ansluss an de A 1 un A 7.

De nächste Bahnhoff is so bi fiev Kilometer wied weg in’n Süüdwesten de Bahnhoff Maschen an de Bahnlien Hannover–Hamborg.

FootnotenÄnnern

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
  2. C. H. Jansen: Statistisches Handbuch des Königreichs Hannover. 1824, Sied 556: http://books.google.de/books?id=tG0AAAAAcAAJ&pg=PA556
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130: https://books.google.de/books?id=qTZDAQAAMAAJ&pg=RA2-PA130