Sergei Iwanowitsch Beljawski

Sergei Iwanowitsch Beljawski (russisch Сергей Иванович Белявский Sergej Ivanovič Beljavskij; * 25. November^jul./7. Dezember^greg. 1883 in Sankt Petersborg, Russ’sch Kaiserriek; † 13. Oktober 1953 in Leningrad, Sowjetunion) weer en russ’schen Astronom.

Beljawski weer in Sankt Petersborg boren, woneem he 1953 ok doodbleven is. He weer Liddmaat vun de Akademie vun de Wetenschoppen vun de Sowjetunion un hett op de Feller vun de Astrometrie un de Fotometrie arbeit, wobi he sik ok mit dat Studium vun de Ännerlichen Steerns befaat hett. Arbeit hett he an de Krim-Steernwacht, woneem he in sien Loopbahn sössundörtig Asteroiden as ok den hellen Komeet C/1911 S3 (Beljawsky) opdeckt hett.

Na em is de Asteroid (1074) Beljawskya nöömt, den he 1925 sülvst opdeckt hett.

Literatur

• S. Wawilow u. a.: Bolschaja sowetskaja enziklopedija: Tom 4. Isd-wo Bolschaja sowetskaja enziklopedija, Moskau 1950, S. 581 (russ’sch)
• Ilja Koltschinski u. a.: Astronomy: biografitscheski sprawotschnik. Naukowa dumka, Kiew 1986. (russ’sch)

Weblenken

• Publikatschonen vun S.I. Beljawski in’t Astrophysics Data System