Sleepless in Seattle
| Filmdaten | |
|---|---|
| Plattdüütsch Titel: | — |
| Originaltitel: | Sleepless in Seatlle |
| Düütsch Titel: | Schlaflos in Seattle |
| Produkschoonsland: | USA |
| Johr vun’t Rutkamen: | 1993 |
| Läng: | 105 Minuten |
| Originalspraak: | Engelsch |
| Öllersfreegaav in Düütschland: | FSK 6 |
| Filmkru | |
| Speelbaas: | Nora Ephron |
| Dreihbook: | Nora Ephron David S. Ward Jeff Arch |
| Produkschoon: | Gary Foster |
| Musik: | Marc Shaiman Harry Ruby |
| Kamera: | Sven Nykvist |
| Snitt: | Robert M. Reitano |
| Dorstellers | |
| |
Sleepless in Seattle (op Platt so veel as „Slaaplos in Seattle“; dt. Titel: Schlaflos in Seattle) is en romantische Kummedie vun de Speelbaassche Nora Ephron ut dat Johr 1993. In de Hööftrullen speelt Tom Hanks un Meg Ryan, de twee Lüüd speelt, de sik över groten Afstand kennen lehrt, wiel se op de Söök na dat wohre Glück un de Leev in’t Leben sünd. De Film hett weltwiet över 220 Millionen US-Dollar inspeelt.
Inholt ännern
De Architekt Sam hett sien Fro verloren, de Krebs harr un dood bleven is. För em weer dat de wohre Leev, un as se nich mehr dor is kummt he mit sien Leven nich mehr klor. Üm op annere Gedanken to kamen, beslutt he mit sien Söhn Jonah na Seattle ümtotehn un sien oolt Leven achter sik to laten. To de glieken Tiet plaant Annie ehr Hochtiet mit ehrn Verlööften Walter. Annie leevt in Baltimore. Se kummt jüst vun ehr Familie, de se Walter vörstellt hett un is nu op’n Weg torüch na Baltimore, wo se noch to arbeiten hett. In’t Radio höört se en Programm, wo en lütten Jungen, neemlich Jonah, bi en anröpt, de vertellt, wat he sien Moder vermissen deit un dat sien Vadder noch veel mehr ünner den Verlust vun sien Fro lieden deit. Sam warrt vun de Seelsorgersche an’t Telefon ropen un mutt sien Geschicht vertellen. Annie finnt em foorts sympathisch.
Ofschoonst Annie jüst ehr Hochteit plaant, müch Annie Sam geern drapen un flüggt na Seattle, üm mehr över Sam un sien Söhn ruttokriegen. Tatsächlich lopt se sik övern Weg, man se troot sik nich, em antosnacken un to vertellen wokeen se is. Ok schrifft se em över den Senner en Breef un vertellt en, dat se sik geern mit em op dat Dack vun’t Empire State Building in New York City drapen müch. Dat hett se ut en romantischen Film afkeken un hofft nu, dat he dorop ingeiht.
Jonah is vun Annie Breef foorts begeisters un versocht nu op all Fäll sien Vadder dorto to bringen, sik mit ehr to drapen. Man, Sam will dorvun nix weten, alleen al, wieldat Annie veel to wiet weg wahnt un he dat Drapen för unnütz hollt. He versocht lever een Fro ut de Ümgegend to finnen un hett dor ok al een in’t Oog. All’ns Snacken helpt nix, Sam verseegt en Drapen. Dorüm flüggt Jonah allen na New York City un töövt op de Besökerplattform ganz baven op Annie. Sam reist em natürlich glieks na un finnt em dor ok. Und wohrhaftig drappt se opletzt ok Annie, de kort vörher ehr Hochtiet afseggt hett, vun wegen dat ehr opletzt klor worrn is, dat Walter nich de richtige Mann för eher is. Sam, Jonah un Annie verlaat tohopen Hand in Hand dat Empire State Building.
Vörlaag ännern
In den Film warrt veel op en sünnern Film anspeelt, neemlich den Hollywood-Striepen An affair to remember (dt.: Die große Liebe meines Lebens) mit Cary Grant un Deborah Kerr vun 1957. Liekers is Sleepless in Seattle keen Remake vun den Klassiker. Alleen de Szeen, dat sik de beiden op dat Dack vun’t Empire State Building drapen doot, is ut den ölleren Film övernahmen. De Film warrt ok fakener in den Film ansnackt un enige Utsnidden warrt sogor wiest.
Kritiken ännern
Lexikon vun’n internatschonalen Film: Sentimental-nostalgische Komödie über die Idee einer einzigartigen Liebe, die mit überzeugenden Darstellern und einigen Kabinettstückchen versöhnliche Unterhaltung bietet.
Filmpriesen ännern
De Film weer för twee Oscars nomineert, neemlich in de Kategorien Best Originaldreihbook un Best Leed. Man, de Film weer noch för veerteihn wietere Filmpriesen vörslahn, wovun he veer winnen künn:
- 1994: den American Comedy Award in de Kategorie Lustigste Hööftdorstellerin för Meg Ryan.
- 1994: den Artios in de Kategorie Best Casting för en Speelfilm för Juliet Taylor.
- 1994: den Young Artist Award in de Kategorie Beste Dorsteller ünner teihn Johren in en Speelfilm för Ross Malinger.
- 1994: den Young Artist Award in de Kategorie Rutragend Familienkummedie.
Websteden ännern
- Sleepless in Seattle in de Internet Movie Database (engelsch)
- Filmkritik op Rotten Tomatoes