Smegma
Smegma (vun ooltgreeksch σμήγμα „Seep“) is en witten bet licht gelen Belag, de sik twischen Vörhuut un Ekel vun’n Penis oder in de Folen twischen de Schaamlippen un de Klitoris sammeln kann. Dat sett sik tohoop ut Tallich ut de Tallichdrüsen vun de Huut, ut dode Huutzellen un ut dat, wat an Urin oder Sperma nablifft. Dat kummt bi all Söögdeerten vör.
Normalerwies sammelt sik Smegma blot, wenn de Geslechtsdelen över en Tiet nich wuschen warrt. In dat Smegma siedelt denn Bakterien un dat fangt dat Rüken an. Dat Reinhollen is besünners bi en verengte Vörhuut en Problem. Besnedene Mannslüüd hebbt in de Regel weniger Problemen mit Smegma.
Wenn Bakterien dat Smegma verrott, denn köönt de Affallprodukten licht de Huut angriepen un dat kann sik entzünnen. Ok Peniskrebs kann so begünstigt warrn.
