Spleth

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Wingst
Inwahners:
Postleettall:	21789
Vörwahl:	04777
Geograafsche Laag:	53° 45′ N, 9° 2′ O

De Spleth (hoochdüütsch Spleth) oder ok Splethweg is en lütten Oort in de Gemeen Wingst (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers to de Gemeen Wingst to.

Geografie

De Spleth liggt an’n Noordwestrand von dat Geestrebeed von de Wingst. Na Westen un Noorden to doot de Maschen von de Au liggen. In’n Noordwesten löppt ok de Neehuus-Bülkauer Kanaal langs.

De Naveröörd sünd Westercaadwisch in’n Noorden, Langenstraat un Möhlenreeg in’n Noordoosten, Fievhusendörp un Olenfloot in’n Oosten, Kleverbarg un Ooldkeden in’n Süüdwesten un Westermoor in’n Westen.

Historie

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1793-00-001793	4 Füürsteden
1824-00-001824	4 Füürsteden
1871-12-011. Dezember 1871	19 Lüüd, 4 Hüüs

Religion

De Spleth is evangeelsch-luthersch präägt un höört to dat Kaspel von de Nicolai-Kark in Kumbarg.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

Verkehr

Dör’n Spleth löppt de Kreisstraat 22, de in’n Noordoosten na Kumbarg an de Bundsstraat 73 geiht un in’n Süden na Tollboom an de K 21.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 24 Kilometer in’n Noordwesten von’n Spleth.

De nächste Bahnhoff is so bi twee Kilometer wied weg in’n Noordoosten de Bahnhoff Kumbarg an de Nedderelvbahn.