Möhlenreeg (Gemeen Kumbarg)

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Kumbarg
Inwahners:
Postleettall:	21781
Vörwahl:	04777
Geograafsche Laag:	53° 46′ N, 9° 3′ O

Möhlenreeg (hoochdüütsch Mühlenreihe) is en Oort in de Gemeen Kumbarg (Samtgemeen Land Hadeln) in’n Landkreis Cuxhoben, Neddersassen. De Oort höört polietsch von öllers bi Kumbarg mit bi un is vondaag kumplett mit Kumbarg tohoopwussen.

Geografie

De Möhlenreeg liggt an’n Noordrand von de Wingst hen na de Maschen von de Au un de Oost. Dichtbi löppt de Neehuus-Bülkauer Kanaal langs.

De Naveröörd sünd Klotzen, Müggenbarg un Kumbarg in’n Noordoosten, Oostermoor in’n Oosten, Olenfloot in’n Süüdoosten, Fievhusendörp in’n Süden, Langenstraat un Spleth in’n Süüdwesten un Westercaadwisch in’n Noordwesten.

Historie

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1848-00-001848	57 Lüüd, 8 Hüüs
1871-12-011. Dezember 1871	64 Lüüd, 9 Hüüs

Religion

Möhlenreeg is evangeelsch-luthersch präägt un höört to dat Kaspel von de Nicolai-Kark in Kumbarg.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

Verkehr

Dör de Möhlenreeg löppt de Kreisstraat 22, de in’n Süüdwesten över Ooldkeden na Tollboom un an de K 21 ran geiht un in’n Noorden an de Bundsstraat 73. De B 73 geiht denn in’n Noordwesten över Neehuus un Oterndörp na Cuxhoben un in’n Süüdoosten över Hemmoor/Warstood/Basbeek un Himmelpoorten na Stood.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 26 Kilometer in’n Noordwesten von Möhlenreeg.

De nächste Bahnhoff is so bi een Kilometer wied weg in’n Noordoosten de Bahnhoff Kumbarg an de Nedderelvbahn.