Stand By Me
Stand By Me (op Platt so veel as „Stah to mi“) is en US-amerikaanschen Speelfilm vun 1986 mit Rob Reiner as Speelbaas. De Film bericht na en Vertellen vun Stephen King vun de Beleevnissen vun veer puberteerend Jungs.
| Filmdaten | |
|---|---|
| Plattdüütsch Titel: | — |
| Originaltitel: | Stand By Me |
| Düütsch Titel: | Stand by me – Das Geheimnis eines Sommers |
| Produkschoonsland: | USA |
| Johr vun’t Rutkamen: | 1986 |
| Läng: | 85 Minuten |
| Originalspraak: | Engelsch |
| Öllersfreegaav in Düütschland: | FSK 6 |
| Filmkru | |
| Speelbaas: | Rob Reiner |
| Dreihbook: | Stephen King |
| Produkschoon: | Bruce A. Evans Raynold Gideon Andrew Scheinman |
| Musik: | Jack Nitzsche |
| Kamera: | Thomas Del Ruth |
| Snitt: | Robert Leighton |
| Dorstellers | |
| |
Inholt
ännernDe Schriever Gordon Lachance sitt in sien Auto un denkt över de verleden Tiet na, nadem he in’t Daagblatt vun den Dood vun den Afkaat Chris Chambers leest hett. In de Jöögd weern de beiden de besten Frünnen un nu kummt em dat allens wedder in den Sinn.
Gordie Lachance un Chris Chambers sünd twölfjohrige Jungs as se in’n Sommer 1959 in jemehr Heimatstadt Castle Rock in Oregon togang sünd. Tohopen mit Teddy Duchamp un Vern Tessio, de liek oolt sünd, besluut se, sik op de Söök na Ray Brower to maken. Ray, en Jung in jemehr Öller, weer losgahn, üm Bickbeeren to plücken un is sietdem nich mehr to finnen. Dör en Tofall luschert Vern, as sien Broder mit en Kumpel över de Liek snacken deit, de se bi en Bahndamm bi en Wooldstück wieter weg funnen hebbt. De ölleren künnt dat aver nich de Polizei seggen, wiel se jüst en Auto knackt harrn. De lütten Jungs wüllt jem dat wiesen un die Liek söken.
Ünnerwegens slaht sik de Jungs mit de Problemen rüm, de man in de Pubertät nu mol so hett, striedt sik un verdreegt sik wedder, söökt jemehrn Weg över en Iesenbahnbrüch, mööt sik gegen Ielen, Hunnen un jemehr egen Bang to Wehr setten. Wieldat verplappert sik Verns Broder bi sien Kumpels, as jemehr Anföhrer Ace Merrill dorbi is. De sleiht foorts den lieken Weg in un will ok de Liek finnen.
Gordie, Chris, Teddy un Vern findt de Liek vun Brower tatsächlich, to lieken Tiet draapt ok Ace un sien Lüüd in un föddert för sik dat in, de Liek toeerst funnen to hebben. Mit Hülp vun en Pistool kann Gordie die Halfstarken verdrieven, man de Jungs besluut, de Liek vun Ray Brower dor to laten, wo se se funnen hebbt.
As de Jungs na Castle Rock wedder torüch kamen sünd, brickt de Grupp uteneen. Lachance, as Verteller vun buten, seggt, dat he un Chris na de Sommerferien op de Junior High School wesselt sünd un sik dorna kuum noch mit de annern beiden drapen hebbt. Denn vertellt he vun de Ümstännen, ünner de Chris to Dood kamen is.
De Film ennt dormit, as de Schriever Lachance sik an sien Schrievmaschien sett un de Geschicht daalschrieven deit, de he jüst in’n Film vertellt hett.
Kritik
ännern- Lexikon vun’n internatschonalen Film: „Rob Reiner hat aus einer Geschichte des Erfolgs-Autors Stephen King einen wunderbar sensiblen, melancholischen und romantischen Abenteuer-Film gemacht. Das Abenteuer beginnt, als vier Jungen von einer Leiche im Wald in der Nähe ihrer kleinen Stadt hören. Mit ihrem bißchen Taschengeld, Schlafsack und ohne Proviant brechen sie auf und träumen davon, als Helden gefeiert zu werden, wenn sie die Leiche des vermißten Jungen finden. Sehr atmosphärisch ist diese sommerliche Freundschafts-Idylle des Jahres 1959, wehmütige Erinnerungs-Emotionen an eine Welt ohne Computerspiele.“
Utteken
ännernStand by me weer för den Oscar in de Kategorie Best Dreihbook na Vörlaag nomineert un noch för 12 wietere Filmpriesen. Wunnen hett de Film opletzt dree Priesen:
- 1987: den Jackie Coogan Award vun de Young Artist Awards för Wil Wheaton, River Phoenix, Corey Feldman un Jerry O’Connell.
- 1988: den Readers' Choice Award vun de Kinema Junpo Awards för Rob Reiner in de Kategorie Best utlännsch Film.
- 1988: den BMI Film & TV Awards in de Kategorie an’n fakensten speelten Filmleed för Ben E. King un sien Leed „Stand by me“.
Dit un dat
ännern- Stand By Me weer de eerste Geschicht vun Stephen King, de verfilmt worrn is ahn Horror-Elementen to bruken.
- De Novell The Body (dt.: Die Leiche) vun Stephen King höötr to sien Novellensammlung Fröhling, Sommer, Harvst un Dood un wiest autobiographsche Sieten op.
- De Filmtitel is vun dat Leed afleddt, dat 1961 vun Ben E. King sungen worrn is. Dat weer dat Titelleed un keem in Tosamenhang mit den Film ok wedder in de Charts.
Weblenken
ännern- Stand By Me in de Internet Movie Database (engelsch)
- Infos to’n Film (dt.)