Statistisch Büro von dat Königriek Hannover
Dat Statistische Büro von dat Königriek Hannover weer dat Statistische Amt von dat Königriek Hannover un hett von 1848 bet 1866 bestahn. Dat hett in de Stadt Hannover seten.
Historie ännern
Kort nadem Johann Carl Bertram Stüve in’n März 1848 as Maat von de Märzregerung hannöverschen Binnenminister worrn is, is beslaten worrn en Statistisch Büro intorichten.[1] De eerste Baas von dat Büro, Hermann Abeken, is in’n Juli 1848 beropen worrn.[1] Na Abeken sien Dood 1854 is Theodor Seveloh Baas worrn. Von 1851 bet 1868 weer ok Heinrich Ringklib Mitarbeider von dat Büro.
Von 1851 af an hett dat Büro de Reeg Zur Statistik des Königreichs Hannover rutgeven (hett 1865 den ne’en Titel Beiträge zur Statistik des Königreichs Hannover kregen un 1866 Beiträge zur Statistik des vormaligen Königreichs Hannover) un von Juli 1865 af an elk Maand de Tiedschrift Zeitschrift des Königlich Hannoverschen Statistischen Bureaus (bet 1867).
Dat Büro is oplööst worrn, nadem Prüßen dat Königriek Hannover 1866/1867 annekteert hett. De Opgaven hett 1868 denn dat Prüüßsche Statistische Landsamt in Berlin övernahmen.[1]
De Akten von dat Statistische Büro sünd in’n Tweten Weltkrieg bi en Bummenangreep op Hannover an’n 9. Oktober 1943 in dat Hannöversche Staatsarchiv verbrennt.[1]
Footnoten ännern
- ↑ a b c d Neues Archiv für Niedersachsen. Band 5, W. Dorn, 1952, Sied 307