Wikipedia

Stephan Weil

düütsch Politiker

Stephan Weil (* 15. Dezember 1958 in Hamborg) is en düütsch Politiker (SPD) un siet den 19. Februar 2013 Ministerpräsident vun Neddersassen. He weer van November 2006 bit Januar 2013 Böverbörgermeester vun de neddersassisch Landshööftstadt Hannober un is to Tiet Landsvörsitter vun de SPD Neddersassen.

Stephan Weil 2013

Leven un Berop

ännern

Weil leevt siet 1965 in Hannober, wo he 1977 dat Abitur an dat Kaiser-Wilhelm-Gymnasium[1] maakt hett. Nah sien Zivildeenst fung he 1978 en Jurastudium in Chöttingen an, dat he 1983 mit dat Eerst Juristisch Staatsexamen afslooten hett. 1986 legg he nah dat Referendariat dat Tweet Juristisch Staatsexamen af.[2] Nah sien Heirat 1987 hett Weil as Afkaat in Hannober arbeit. Af 1989 weer as Staatsanwalt un Richter tätig, wobi he ok in dat Neddersassisch Justizministerium tätig weer. Af 1994 weer Weil as Ministerialrat in dat Neddersassisch Justizministerium beschäftigt. Weil weer Vörsitter vun de Jusos in Hannober un Vörsitter vun den Stadtverband vun de SPD Hannober. Van 1997 bit Enn' Oktober 2006 harr he dat Amt vun den Stadtkämmerer inne.

Kommunalpolitik Hannober

ännern
 
Stephan Weil as Böverbörgermeester mit Amtskeed vun de Stadt Hannober

In' Mai 2006 wurr Weil to'n Böverbörgermeesterkandidaten vun de SPD wählt un is an' 10. September ünner annern gegen den CDU-OB-Kandidaten Dirk Toepffer un de gröön OB-Kandidatin Ingrid Wagemann antreden. He wurr in' eersten Wahlgang mit afsoluter Mehrheit direkt wählt un hett an' 1. November 2006 de Nahfolge vun Herbert Schmalstieg antreden, de dat Amt 34 Jahre innehatt harr. De Amtstiet bedrocht acht Johr. In' Januar 2013 hett Weil dat Amt upgeven.

Landespolitik Neddersassen

ännern

An' 18. September 2011 geev Stephan Weil bekannt, dat he sück um de Spitzenkandidatur vun de SPD Neddersassen bi de Landdagswahl 2013 to bewerben. De Kandidat wurr an' 27. November 2011 in en Liddmaatsentscheed bestimmt, bi de neben Weil ok de dormalige niedersächsische SPD-Landesvorsitzende Olaf Lies kandideeren dee.[3] Stephan Weil wunn de Wahl mit 53,3 Perzent vun de Stimmen un wurr Spitzenkandidat vun de SPD to de Landdagswahl 2013.[4] An' 20. Januar 2012 wurr he to'n Landsvörsitter vun de neddersassisch SPD wählt.[5] In' März wurr he eenstimmig as SPD-Direktkandidat för den Landdagswahlkreis Hannober-Buchholz upstellt.[6] Up den Landsparteidag in Hameln wurr Stephan Weil an' 7. Juli 2012 mit 98,95 Perzent up Platz 1 vun des Landslist to de Landdagswahl 2013 wählt.[7]

 
An' Wahlavend vun de Landdagswahl in Neddersassen 2013

Bi de Landdagswahl an' 20. Januar 2013 kreegen SPD un Bündnis 90/De Grönen tosommen een Sitt mehr as de bitherig Regeerenskoalitschoon ut CDU un FDP ünner David McAllister. An' 19. Februar 2013 wurr he mit de notwennig 69 Stimmen to'n Ministerpräsidenten wählt.[8]

Privates

ännern

Weil is verheiraadt mit Rosemarie Kerkow-Weil, Präsidentin vun de Hoochschool Hannober, un hett een utwussen Söhn. He is Liddmaat vun Rotary International.[9] As Hobbys hett he Football, Loopen, Wannern un Lesen nömmt. He hett siet den 2000er Johren mehrmals as Löper an Wettbewarfen in' Rahmen vun den Hannober-Marathon deelnommen un is Fan vun den Football-Club Hannober 96. Hüüd leevt he in Hannober-Kirchrode un is Liddmaat in den SPD-Oortsvereen Kirchrode-Bemerode-Wülferode.[10]

Wiedere Ämter

ännern
  • Präsidiumsliddmaat vun den Düütschen Städerdag[11]
  • Upsichtsraatvörsitter vun de Verkehrs- un Versörgenssellschopp mbH Hannober
  • 2009–2012 Upsichtsraatvörsitter vun de Düütsch Messe AG[12]
  • 2007–2012 Präsident vun den Verband kommunaler Ünnernehmen e.V.[13]
  • Vörsitter vun de Sozialdemokraatsch Gemeenschap för Kommunalpolitik in de Bundsrepubliek Düütschland e.V. (SGK)[14]
  • Mitglied in dat Kuratorium vun de Robert-Enke-Stiftung[15]
  • Verwaltungsraatsvörsitter vun de Sporkass Hannober

Weblenken

ännern
  Stephan Weil. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen

ännern
  1. ↑ Welche Schule für mein Kind? Verlagsbilaag. In: Hannoversche Allgemeine Zeitung van' 12. Januar 2011, S. 4.
  2. ↑ Levensloop up de eegen Websteed, afropen an' 8. November 2011.
  3. ↑ http://www.ndr.de/regional/niedersachsen/spitzenkandidat119.html, „Ich will Ministerpräsident werden!“, Herutgever: ndr.de, van' 18. September 2011, afropen an' 19. September 2011, html
  4. ↑ Stephan Weil gewinnt Mitgliederentscheid zur Spitzenkandidatur. In: SPD-Ortsverein Kirchrode-Bemerode-Wülferode van' 27. November 2011.
  5. ↑ Michael B. Berger: Stephan Weil, der 95,5 Prozent-Mann. In: Hannoversche Allgemeine Zeitung van' 20. Januar 2012.
  6. ↑ Hannover stellt auf. In: SPD-Bezirk Hannover van' 22. März 2012.
  7. ↑ Pressemitdeelen vun de SPD Neddersassen van' 7. Juli 2012.
  8. ↑ Nachfolger von McAllister: Weil zum Ministerpräsidenten in Niedersachsen gekürt In: Spiegel Online van' 19. Februar 2013.
  9. ↑ Stefanie Kaune: Rotarisches Netzwerk. In: Hannoversche Allgemeine Zeitung van' 12. November 2010, S. 17.
  10. ↑ Bildstrecke: So lebt Hannover. In: Neue Presse.
  11. ↑ Präsidium des Deutschen Städtetages. In: Städtetag.de.
  12. ↑ Deutsche Messe schließt 2012 deutlich besser als erwartet. In: Presseportal.de van' 22. November 2012: Utscheeden vun Weil to'n 31. Dezember 2012.
  13. ↑ Nach fünfjähriger erfolgreicher Präsidentschaft von Stephan Weil. In: Presseportal.de van' 10. Oktober 2012.
  14. ↑ Vorstand der Bundes-SGK. In: Bundes-SGK.de.
  15. ↑ Kuratorium. In: Robert-Enke-Stiftung.de.
Vun „https://nds.wikipedia.org/w/index.php?title=Stephan_Weil&oldid=1011927“