Steven Ortega (* in Esperanza) is en Offzeer ut Belize. He is as Brigaadgeneraal Befehlshebber von de Belize Defence Forces (BDF).

Ortega is in dat Dörp Esperanza in’n Distrikt Cayo boren un opwussen.[1] He weer op dat Sacred Heart College in San Ignacio/Santa Elena un dat Belize Technical College bevör he an’n 30. September 1990 Maat von de Belize Defence Forces worrn is.[1]

He hett de Royal Military Academy in Sandhurst besöcht un is in’n August 1992 2nd Lieutenant bi de BDF worrn.[1][2] In’n August 1994 is he Lieutenant worrn un denn ok to’n Captain opstegen.[2] In’n Dezember 2005 is he Major un Verbinnungsoffzeer in dat Ministerium för Natschonale Sekerheit worrn.[2] In’n November 2008 hett he den Rang von en Lieutenant Colonel kregen.[2]

Ortega hett 2006 dat Command and General Staff College in Fort Leavenworth (Kansas) afslaten.[1] 2016 hett he op dat Royal College of Defence Studies in London en Master in strategische Studien maakt.[1]

Nadem Brigaadgeneraal David Jones in Rohstand gahn is, is Ortega 2018 to’n Brigaadgeneraal befördert un Befehlshebber von de Belize Defence Forces worrn.

Ortega is verheiraadt mit siene Fro Eleanor.[2] De beiden hebbt veer Kinner.[2]

Footnoten ännern

  1. a b c d e Belize Defence Force to celebrate 40th anniversary, Breaking Belize News an’n 25. Januar 2018
  2. a b c d e f Commander Belize Defence Force, bdf.mil.bz