De Distrikt Cayo (engelsch Cayo District) is een von de söss Distrikte von Belize. De Hööftoord is San Ignacio/Santa Elena. De Distrikt hett en Grött von 5196 km² un hett 77.000 Inwahners (Stand 2008).

HondurasGuatemalaMexikoCorozal (Distrikt)Orange Walk (Distrikt)Belize (Distrikt)Stann Creek (Distrikt)Cayo (Distrikt)Toledo (Distrikt)
Koort von’n Distrikt Cayo
Koort von 1910 mit de olen Distrikt-Grenzen

Geografie ännern

Cayo liggt in’n Westen von Belize un grenzt in’n Noorden an den Distrikt Orange Walk, in’n Noordoosten an Belize, in’n Oosten an Stann Creek un in’n Süden an Toledo. In’n Westen liggt Guatemala.

In den Distrikt liggt ook de Actun Box Ch'iich', de deepste Höhl in Belize.

Grenzen ännern

De Grenz in’n Noorden na’n Distrikt Orange Walk löppt langs Tu-Tu Creek, Pescado Creek, Crique Negro, Yalbac Creek un Labouring Creek bet na de Steed, an de de Labouring Creek in’n Belize River münnt. De Belize River is denn de Grenz na’n Distrikt Belize bet St. Paul’s Bank. Dor knickt de Grenz af un löppt stuur na Süden bet na’n Nancy Porter Creek un den Sibun River.

Nu is de Stroomloop von Sibun River un Indian Creek de Grenz na’n Distrikt Belize. In de Neegd von Santa Martha drippt de Indian Creek op’n Distrikt Stann Creek. De Grenz springt hier en lütt Stück stuur na Westen un löppt denn an’n Loop von’n Dry Creek langs. Twüschen Santa Martha un Hummingbird Community verlett de Grenz den Loop von’n Dry Creek wedder un löppt denn an de Waterscheed twüschen de Afströömrebeden von North Stann Creek, Sittee River, Monkey River, Rio Grande un Moho River op de Süüdoostsied un Sibun River, Belize River un Río Machaquilá op de Noordwestsied langs.

De Waterscheed drippt bi Champas Quemadas (Municipio Poptún) op de Staatsgrenz na Guatemala (Departamento Petén). De Staatsgrenz is defineert dör dree Punkte: de Gracias-a-Dios-Waterfäll an’n Sarstoon River, de Garbutt’s-Waterfäll an’n Belize River bi Benque Viejo del Carmen un denn stuur na Noorden bet na’n Blue Creek. In’n Fall von’n Distrikt Cayo is dat also de Afsnidd von de Waterscheed twüschen Moho River un Río Machaquilá un den Loop von’n Tu-Tu Creek. De Afsnidd is üm un bi 104 Kilometer lang.

Inwahnertall ännern

Johr Inwahners
Zensus 1921[1] 5.464
Zensus 1946[1] 7.370
Zensus 1960[1] 11.764
Zensus 1970[1] 15.975
Zensus 1980[1] 22.837
Zensus 1991[1] 37.693
Zensus 2000[1] 54.471
Zensus 2010[1] 75.046

De Inwahners weren bi’n Zensus 2000 to 64 % Mestizen, to 18 % Kreolen, to 7 % Maya un to 5 % Mennoniten. De Rest hett sik op de verscheden annern Volksgruppen von Belize opdeelt.[1]

Ünnerafdelen ännern

Gemenen ännern

De Gemenen binnen Cayo sünd:

Wahlen ännern

Binnen den Distrikt gifft dat söss Wahlkreise: Belmopan, Cayo Noord Oost, Cayo Noord, Cayo Zentraal, Cayo West un Cayo Süüd.

Footnoten ännern

  1. a b c d e f g h i Zensus 2010 (PDF) von dat Statistical Institute of Belize

Weblenken ännern

  Cayo. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:16° 50′ N, 88° 55′ W