Stix Hooper
Nesbert „Stix“ Hooper (* 15. August 1938 in Houston) is en US-amerikaansch Slagtüüchspeler vun den Modern Jazz un Fusionjazz, de en Tiet lang de Crusaders leit hett, un Musikfunktionär.
Hooper is all as Schöler mit Bands uptreden, de he ok leit hett. Ut de vun hüm 1952 grünnd „The Swingsters“ entwickeln sück later dat „Modern Jazz Sextet“ bzw. de „Nite Hawks“. Hooper, de in disse Band un de sück dorut 1959 bildend „Jazz Crusaders“ bzw. „Crusaders“ Leader un Slagtüüchspeler weer, hett an de Texas Southern University studeert. Dorneben hett he as Begleiter vun Harold Land, Freddie Hubbard, George Shearing, Grant Green, Larry Carlton, Med Flory oder Bobby Hutcherson arbeit. Een eerst Album ünner eegen Naam keem 1979 rut. Af 1983 weer Hooper för dat Feernsehn tätig, um denn Viezpräsident vun de National Academy of Recording Arts and Sciences to wurrn. Ok in disse Funktionen is he af un an mit Musikern as Randy Crawford, Joe Cocker, Ernestine Anderson oder Gerald Wilson uptreden.
Diskographisch Henwiesen
ännern- The World Within (1979)
- Touch the Feeling (1983)
- Lay It on the Line (1989)
Lexigraphisch Indrääg
ännern- Martin Kunzler, Jazz-Lexikon Bd. 1. Reinbek 2002; ISBN 3-499-16512-0