Suba-Center
De Suba-Center GmbH weer en Ünnernehmen in’n Enkelthannel mit Seet in Kumbarg.
Historie
ännern1933 hett Ernst Langner dat Koophuus von sien Vader (ok Ernst Langner) in Kumbarg övernahmen. Düt Koophuus Langner is bilütten jümmer mehr utboot worrn. Later is dor ok noch dat Ela-Kledaaschwark tokamen. In de Neiheree sünd toeerst na’n Tweten Weltkrieg ut Militärdeken Mantels un Jacken maakt worrn. Dat weer de eerste Industriebedriev in Kumbarg. Dat Kledaaschwark hett 1973 wedder dichtmaakt. Ut dat Koophuus Langner hett sik de Super-Bazar-Keed entwickelt. De eerste Filiaal in Cuxhoben hett an’n 25. September 1969 apenmaakt un de twete 1973[1] in Stood. De Keed hett ünner Ernst Langner sien Söhn Ernst August Langner en ganze Reeg Koophüüs von Cuxhoben bet na Hamborg un Sleswig-Holsteen apenmaakt. Later hett sik de Naam von Super-Bazar op Suba-Center ännert.
Dat Suba-Center in Horborg hett an’n 6. Oktober 1983 apenmaakt un in Bardörp an’n 9. April 1987.
1989 sünd de Suba-Centers von de Firma AVA AG (vondaag Marktkauf Holding) övernahmen worrn. De Suba-Centers hebbt to düsse Tied en Ümsatz von 400 Milljonen D-Mark maakt.[2] De Ladens sünd denn bilütten all ümfirmeert worrn op Marktkauf.
Footnoten
ännern- ↑ Lars Strüning: Aus Stader Marktkauf wird Edeka, Stader Tageblatt an’n 16. Juli 2019
- ↑ Georg F. Jacobi: Markenkonzepte in der Bekleidungswirtschaft der Bundesrepublik Deutschland: eine ökonomische Analyse von vertikalen Integrations- und Kooperationsformen. Vandenhoeck & Ruprecht, 1990, Sied 294