Susanna Driano
Susanna Driano (* 28. Mai 1957 in Seattle, Washington, USA) is en ehmalige italieensch Ieskunstlöperin, de in't Eenzel antreeden is.
Driano wurr in den USA boren, leep aber för Italien, dat Heimatland vun hör Öllern. Van 1975 bit 1980 wurr se italiaensch Meesterin. In den sülvigen Tietruum hett se ok an Ieskunstloop-Europameesterschapen und -Weltmeesterschapen deelnommen. Dorbi wunn se bi de Europameesterschapen 1977 in Helsinki un 1980 in Göteborg jewiels de Bronzemedaille achter Anett Pötzsch ut de DDR un Dagmar Lurz ut de Bundsrepubliek Düütschland. Hör eenzig Weltmeesterschapsmedaille wunn se 1978 in Ottawa, as se achter Pötzsch un de US-Amerikanerin Linda Fratianne Dart wurr. Dat weer de eerste Medaille för Italien bi de Daamenkonkurrenz bi Ieskunstloopweltmeesterschapen. Driano repräsenteer Italien bi twee Olympisch Winterspelen. 1976 in Innsbruck keem se dorbi up den söbenten Platz un 1980 in Lake Placid wurr se Achte.