Swartsuur

Swartsuur is en tyypsch Eten ut Noorddüütschland. Vör allen is dor Blood in.

Swartsuur

Bi’t Slachten warrt dat, wat an Fleesch nableven is, in Soltwater kaakt. Denn kummt dor dat Blood to, wat se bi’t Slachten opfungen hebbt. Dat Blood warrt fast un ganz swart. Dorto kaamt denn Eddig, dat dat Ganze suur warrt, un so Saken as Lorbeer, Peperköörn, Nelkenköpp, Zippeln, en beten Sucker un Wuddeln.

Dat Swartsuur warrt denn inmaakt oder kummt so op’n Disch. To dat Swartsuur kaamt Kartuffeln oder Klüten mit op’n Disch.

Swartsuur hebbt se fröher överall in Noorddüütschland maakt, wenn se en Swien slacht hebbt. In Oostfreesland un in’n Oosten, in Pommern un Preußen, hebbt se dat ok vun Aanten un Göös maakt. Dat Blood un wat an Fleeschresten nableven is, dat weer to schaad to’n Wegdoon. Dat weer dorvun denn ok en Eten för de eenfachen Lüüd. Hüüt warrt dat nich mehr faken eten.