Hauptmenü öffnen

Sy Johnson (* 15. April 1930 in New Haven, Connecticut) is en US-amerikaansch Pianist un Arrangeur vun den Modern Jazz.

Sy Johnson speel Jazz an de High School un hett later Musik studeert. He truck denn nah Los Angeles un hett do ras freeschaffend Arrangeur arbeit, ünner annern mit Paul Bley un Ornette Coleman. 1960 speel he in New York för twee Week in de Band vun Charles Mingus. He harr in disse Tiet ok en eegen Trio, speel mit dat Oktett vun Rod Levitt un hett de Singerin Yolande Bavan begleit.

Van 1971 bit 1978 hett Johnson nochmals för Mingus sien lüttgere Formatschonen (Changes Two, 1974) un sien Big Band Projekte, as bi dat Columbia Album Let My Children Hear Music van 1971, an dat ok James Moody, Charles McPherson un Julius Watkins mitwarkt hebbt. Johnson muss dormals, um dat Arrangement för de Kompositschoon „The Shoes of Fisherman’s Wife are Some Jive Ass Slippers“ to schrieven, de Oor-Upnahm vun de Plaat Music Written for Monterey... van 1965 afhören, wiel dat kein Noten mehr geev, dat denn transkribeeren un nee orchestreeren. Sien Leistungen in‘ besten „Mingus-Geiste“ wurrn vun Mingus sülvst aber nich anerkannt, so de Mingus-Biographen Horst Weber un Gerd Filtgen, wiel de up dat Plattencover „Orchestration by Charles Mingus“ sehn wull, ahn den beträchtlichen Arrangeerandeel vun Johnson to erwähnen. 1972 weer he för de Arrangements bi dat Konzert Charles Mingus and Friends in Concert tostännig.

Wiederhen hett he för de Thad Jones/Mel Lewis Bigband un för Quincy Jones arbeit. Van 1975 bit 1979 schreev he Arrangements för Lee Konitz sein negenköppig Ensemble un speel Klaveer. 1984 hett he an dat musikalisch Konzept vun den Film Cotton Club mitwarkt. Neben sien Arbeit as Musiker un Arrangeur weer Johnson ok as Journalist un Photograph tätig.

LiteraturÄnnern