Sylvia Flores
Sylvia Sarita Flores (* in Stann Creek Town) is en Politikerin ut Belize (PUP).
Leven
ännernFlores is as eenzig Kind von Evelyn Avila un Santos Flores in Stann Creek Town (nu Dangriga) boren.[1] Se weer op de Sacred Heart Primary School un denn bet 1971 op de Stann Creek High School.[1] Na de School wull se Juristeree studeren, harr dor aver nich dat Geld för.[1] Dorüm hett se fiev Johr lang Spaansch-Ünnerricht an de Stann Creek High School geven un is denn in de USA tagen.[1] Se hett an dat Hunter College (City University of New York) en Bachelor of Arts in Weertschop un Politikwetenschoppen maakt.[1] Nadem se na Belize trügg is, is se 1983 Justice of the Peace worrn un hett Spaansch-Ünnerricht an dat Stann Creek Ecumenical College geven.[1]
Politik
ännernFlores weer von 1988 bet 1994 twee Wahlperioden lang Börgermeesterin von Dangriga.
Von’n 12. September 1998 bet 1. Juli 2001 weer se ünner Premierminister Said Musa Sprekerin von dat Repräsentantenhuus un von 2001 bet 2003 Präsidentin von’n Senaat von Belize.
Bi de Parlamentswahl in Belize 2003 weer se Kannedatin för de PUP in’n Wahlkreis Dangriga un hett de Wahl mit 52,40 % von de Stimmen gegen Russell Garcia von de UDP wunnen.
Dormit weer se von 2003 bet 2008 Afornte von dat Repräsentantenhuus von Belize. Ünner Premierminister Said Musa weer se in dat Kabinett Musa II toeerst von’n 7. März 2003 bet 5. Januar 2004 Ministerin för Verdeffenderen un Katastrofenmanagement un denn von’n 5. Januar 2004 bet 8. Februar 2008 Ministerin för Minschliche Entwicklung un Froonslüüd. In de Tied von’n 14. Juli 2005 bet 3. November 2005 hett se tosätzlich den Posten as Ministerin för Huusbo övernahmen.[2][3]
Footnoten
ännern- ↑ a b c d e f Belize Today. Government Information Service, 1987, Sied 98
- ↑ Latest Cabinet shuffle reduces number of ministries, Channel 5 Belize an’n 14. Juli 2005
- ↑ “Uneasy arrangement at best,” say Cabinet ministers, Channel 5 Belize an’n 3. November 2005