Sylvia Hanika
Sylvia Hanika (* 30. November 1959 in München) is en ehmalge düütsch Tennisspelerin. Mit hör fung de Boom in dat düütsche Tennis in de 1980er Johren an.
Loopbahn ännern
1981 stunn Hanika in dat Finale vun de French Open, dat se mit 2:6, 4:6 gegen Hana Mandlíková verlor. Se reck todem veermal dat Veertelfinale vun de US Open un eenmal dat vun de Australian Open. De Hööchpunkt vun hör Loopbahn weer de Sieg bi dat Masters 1982, as se överraschend de dormals beste Spelerin vun de Welt, Martina Navrátilová, besiegen kunn. Hanika, de den eersten Satz mit 1:6 düütlich verloren harr un in' tweeten mit 1:3 achtern leeg, kunn denn aber all wiedere Spelen vun den tweeten Satz winnen un dat Match noch to hör Gunsten dreihn. 1987 reck se bi dat Masters dör hör eersten un eenzige Sieg över Chris Evert nochmal dat Halffinale, verlor dor aber gegen Steffi Graf in twee Satzen. 1988 nehm se an de Olympisch Sömmerspelen in Seoul deel, ahn dor aber en Medaille to recken.
Af 1989 harr se denn immer mehr mit Besehrpausen to kämpen.
Nahdem Hanika hör aktiv Loopbahn 1990 afslooten harr, weer se noch eenig Tiet in' Jöögdberiek tätig, bevör se sück ganz vun dat Tennis torüchtruck. Hör hööchste Platzeeren in de Tennis-Weltranglist in’t Eenzel weer Platz 5 (September 1983). In’t Düppel reck de Linkshänderin Platz 92 (August 1989).
Turniersiege ännern
Eenzel ännern
| Nr. | Datum | Turnier | Kategorie | Belag | Finalgegnerin | Ergevnis |
|---|---|---|---|---|---|---|
| 1. | 1. März 1981 | Seattle | WTA | Teppich | Barbara Potter | 6:3, 6:2 |
| 2. | 28. März 1982 | New York | WTA Tour Championships | Teppich | Martina Navrátilová | 1:6, 6:3, 6:4 |
| 3. | 28. Oktober 1984 | Brighton | WTA | Teppich | JoAnne Russell | 6:3, 1:6, 6:2 |
| 4. | 21. September 1986 | Athen | WTA | Sand | Angelikí Kanellopoúlou | 7:5, 6:0 |
Düppel ännern
| Nr. | Datum | Turnier | Belag | Kategorie | Partnerin | Finalgegnerinnen | Ergevnis |
|---|---|---|---|---|---|---|---|
| 1. | 4. Dezember 1988 | Adelaide | WTA Tier V | Hart | Claudia Kohde-Kilsch | Lori McNeil Jana Novotná |
7:5, 6:74, 6:4 |