Tamdhu
Tamdhu is en Whisky-Brenneree in Knockando, Morayshire, Schottland. Se liggt in de Naverschop to de Destillen Knockando, Cardhu un Dailuaine. De Naam kummt ut dat Gäälsche un heet so veel as „lütten düsteren Hövel“[1]. Dat Besökerzentrum vun de Brenneree is in de schottischen Denkmollisten in de Kategorie C insorteert.[2].
| Tamdhu | |
|---|---|
 Infohrt to de Brenneree Tamdhu | |
| Land | Schottland |
| Region | Speyside |
| Tyyp | Malt |
| Status | aktiv |
| Besitter | Ian MacLeod Distillers Ltd. |
| Grünnt | 1897 |
| Grünner | Tamdhu Distillery Company |
| Waterborn | Tamdhu Springs |
| Washstill(s) | 3 |
| Spiritstill(s) | 3 |
| Produkschoonsvolumen | 4.000.000 l |
| Websteed | www.tamdhu.com |
Historie
ännernDe Destille is 1897 grünnt worrn un weer al twee Johren later an de Highland Distillers & Co verköfft. Twüschen 1927 un 1947 weer de Produkschoon stillleggt. 1951 is de Molteree nee maakt worrn un 1972 is de Tall vun de Brennblasen op veer vergröttert worrn. Wietere twee sünd dree Johren later inboet worrn[3][4]. As de Highland Distillers opköfft worrn is, hett Tamdhu nu to de Edrington Group höört. 2010 is se wedder stillleggt worrn[1] un is denn in’n Juni 2011 vun den unafhangigen Affüller Ian MacLeod köfft worrn[5], de 2012 de Produkschoon wedder opnahmen hett[6][7].
Produkschoon
ännernDe Tamdhu-Destille höört to dat schottische Whiskyrebeet Speyside. Ehr Water stammt ut de Tamdhu-Springs. Brennt warrt in dree wash stills un dree spirit stills[4]. Tamdhu is een vun de wenigen Destillen, de ok hüüt noch sülvst en Molteree bedrievt, un vör allen de eenzige Speyside-Destille, de ehrn egenen Bruuk an Molt vullstännig sülvst afdecken deit[3]. Bito versorgt se noch annere Brennereen vun de Edrington Group[8].
De Tamdhu warrt vör allen för de Produkschoon vun Blend-Whiskys bruukt, as to’n Bispeel för The Famous Grouse, Cutty Sark oder J&B. De eerste Single-Malt-Whisky ut de Brenneree keem 1976 op’n Markt. Butendem gifft dat den Whisky ok vun unafhangige Affüllers.
Kiek ok
ännernBorns
ännern- ↑ a b Beschrieven op Edrington Group
- ↑ Indrag in de schottischen Denkmollisten
- ↑ a b Vorstellung auf Scotchwhisky.net
- ↑ a b Vorstellung auf Whiskiesofscotland.com
- ↑ The Herald: Ian Macleod cheered by acquisition of Tamdhu
- ↑ Ingvar Ronde: Malt Whisky Yearbook 2014. Mag Dig Media, Shrewsbury 2013, ISBN 978-0-9576553-0-0, S. 188.
- ↑ Tamdhu Distillery Launches A Dram Fine Whisky Fete
- ↑ M. Jackson: Whisky. Dorling Kindersley Verlag, München 2008, ISBN 978-3-831-00764-6, S. 155.
Koordinaten:57° 28′ N, 3° 21′ W