Teinarm-Dintenfische

To de Teinarm-Dintenfische(n) oder Teinarm-Enktfisken (Decabrachia, ok Decembrachiata oder Decapodiformes) höört de meisten Koppfööt (Cephalopoda), de dat hüdigendags geven deit.

Teinarm-Dintenfische(n); Teinarm-Enktfisken
Loligo forbesi
Systematik
Ünnerriek: Veelzellers (Metazoa) Afdeel: Geweevdeerter (Eumetazoa) Ünnerafdeel: Bilateria Böverstamm: Lophotrochozoen (Lophotrochozoa) Stamm: Weekdeerter (Mollusca) Klass: Koppfööt (Cephalopoda) Ünnerklass: Dintenfische (Coleoidea) Böverornen: Teinarm-Dintenfische (Decabrachia)
Wetenschoplich Naam
Decabrachia; Decembrachiata; Decapodiformes
Boettger, 1952

Se hefft all tein Arms. Dat veerte Paar Arms, vun'n Kopp her tellt, is to Tentakels ummuddelt. De Suugproppens sitt up'n Steel, anners, as de Suugproppens bi de Kraken, de breed an'n Arm ansitten doot. Se funktschoneert in beide Gruppen ok anners. De Suugproppens bi de Teinarm-Dintenfische sünd an'n Rand wat starker maakt dör Hoornringe. In enkelte Gruppen könnt düsse hoornigen Suugproppenringe ok wieter ummuddelt ween to Hakens.

Systematik

De Teinarm-Dintenfische sünd en Sustergrupp vun de Achtarm-Dintenfische (Vampyropoda), wo de Octobrachia un de Vampirdintenfische in tohoopenfaat weert. Wie de Teinarm-Dintenfische nu akraat unnerdeelt weert, steiht noch nich endgüllig fast. Dat gifft Forschers, de snackt vun veer (un mhr) Ornen, annere laat man bloß twee gellen.

• Spiralhörner (Spirulida)
• Echte Dintenfische (Sepiida)
• Dwargdintenfische (Sepiolida)
• Pieldintenfische (Teuthida)

Literatur

• Patrizia Jereb und Clyde F. E. Roper: Cephalopods of the World - An Annotated and Illustrated Catalogue of Cephalopod Species Known to Date. Volume 1 Chambered Nautiluses and Sepioids (Nautilidae, Sepiidae, Sepiolidae, Sepiadariidae, Idiosepiidae and Spirulidae). FAO Species Catalogue for Fishery Purposes, No. 4, 1: 1-262, Rom 2005, ISBN 9251053839
• Xiaodong Zheng, Jianmin Yang, Xiangzhi Lin, Rucai Wang: Phylogenetic relationships among the Decabrachia cephalopods inferred from mitochondrial DNA sequences. Journal of Shellfisheries Research, 23: New Orleans 2004 ISSN 0077-5711