Tentakel

En Tentakel (Mehrt. Tentakels) is en längliche Struktur up de Blöer vun Planten (Drüsententakel) oder an Deerter. Meist weert se insett, um Büte to maken. Twee Klassen mank de Deerter hefft ehren Naam vun de Tentakels herkregen. Dor hannelt sik dat um de Tentaculata un de Atentaculata bi.

Blatt vun'n Daulöpel mit Tentakels (Drosera peltata)

Tentakels bi den Eenfachen Pieldintenfisch (Loligo vulgaris), een vun de Pieldintenfische

In de Botanik

Tentakels hangt an de Blöer vun Planten, de Fleesch freten doot. Dor fangt se Deerter mit. In de Tentakels sitt Fattleitungen (Tracheiden) in. Dat Enne vun de Tentakels is wat dicker, as en lüttjen Kopp. Dor sitt Drüsenzellen in un geevt en Fangsliem af. De is kloor un backig un kann Eiwitte verdauen.

In de Zoologie

Cribrinopsis fernaldi (en Neteldeert) mit Tentakels

Tentakels oder Fangarms sitt an den Kopp vun Koppfööt, Neteldeerter un annere Aarden mank de Warvellosen. Se könnt meist beweegt weern un sünd dor, um Deerter to föhlen un to fangen, as as Büte deenen könnt. Vundeswegen sitt an de Dintenfische ehre Tentakels ok Suugproppens an. To'n Deel könnt de Tentakels ok bi't Verdauen helpen (Suctoria). Hen un wenn passeert dat ok, un se hölpt, wenn de Deerter sik rögen wüllt oder Kuntakt upnehmen mit annere Deerter vun desülvige Aart. So maakt dat u. a. de Dintenfische un annere Koppfööt. Dat gifft en Reeg vun Aarden mank de Quallen, dor könnt de Tentakels bit hen to 40 m lang weern.

Literatur

• Lexikon der Biologie. 13. Band, Spektrum Akademischer Verlag, Heidelbarg 2004. ISBN 3-8274-0338-3
• Gertrud Scherf: Wörterbuch Biologie. dtv, 1997. ISBN 3-423-32500-3

Weblenken

Tentakels. Mehr Biller, Videos oder Audiodateien to’t Thema gifft dat bi Wikimedia Commons.