Texas Terror
Texas Terror (dt.: Titel: Abenteuer in Texas) is de Titel vun den US-amerikaanschen B-Western ut dat Johr 1935 mit John Wayne in de Hööftrull. De Film weer an verscheden Öörd in Kalifornien dreiht[1]. De Premiere weer an’n 1. Februar 1935 in de USA[2].
| Filmdaten | |
|---|---|
| Plattdüütsch Titel: | — |
| Originaltitel: | Texas Terror |
| Düütsch Titel: | Abenteuer in Texas |
| Produkschoonsland: | USA |
| Johr vun’t Rutkamen: | 1935 |
| Läng: | 51 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Robert N. Bradbury |
| Dreihbook: | Robert N. Bradbury |
| Produkschoon: | Paul Malvern |
| Musik: | Billy Barber |
| Kamera: | William Hyer |
| Snitt: | Carl Pierson |
| Dorstellers | |
| |
Inholt
ännernDe junge Sheriff John Higgins is achter dree Verbrekers her, de sik an en Expresshütt wiet af versteken doot. Man, dor in de Hütt maakt jüst de olle Dan en Poos un warrt vun de Rovers doodschaten. Vördem de Banditen utneiht, laat se dat so utsehn, as weer Dan an’n Roov bedeeligt wesen. John glöövt, dat he sülvst an den Dood vun sien Fründ un Pleegvadder Dan Schuld is. Togliek aver is he övertüügt, dat Dan nix mit den Roov to doon harr. Also leggt he sien Sheriff-Steern af un geiht weg ut de Stadt. In de Wildnis söcht he na Gold, frünnt sik mit en Stamm vun Indianers an un geiht blangento op Gesettlose daal, de sien Weg krüüzen doot.
To Tofall will dat, dat he een Dag Dan sien Dochter Bess to Hülp kummt, de torüch in de Gegend kummt, üm de Farm vun ehrn Vadder to övernehmen un op’n Weg vun Rovers överfallen warrt. Op Raat vun den Sheriff Williams hen stellt Bess John as Vörarbeiter op de Ranch in. Mit de Tiet verkiekt se sik in’nanner. Man, as in’t Dörp en Dansfest maakt warrt, warrt Bess dör John sien Rivalen Joe Dickson gewohr, dat John dat weer, de ehrn Vadder dootschaten hett. Vör Woot jaagt se John dorophen vun de Ranch.
Intwüschen stellt sik aver rut, dat Dickson mit den Roov dormols to doon harr. John folgt sien Lüüd un finnt rut, dat se vörhebbt, den annern Dag de Peerd vun Bess ehr Ranch to roven. John halt de Indianers un den Sheriff to Hülp, üm dat to hinnern. Tosamen künnt se de Bande ophollen un fastnehmen. Opletzt kriggt John een vun de Verbrekers dorto, intogestahn wat dormols passeert is. So warrt he wies, dat Dan in Wohrheit vun Dickson ümbröcht worrn is. John kriggt em tofaten un kann em fastnehmen. An’t Enn versöhnt sik Bess un John wedder.
Kritik
ännernOp Kino.de weer to lesen, dat dat de eenzige Film mit John Wayne weer, in den he mit en rugen Boort to sehn weer. De Film weer as een vun en Dutz Regen-Western vun middlere Läng beschreven, de Wayne in de 1930er Johren mit Bradbury as Dreihbookschriever un Speelbaas produzeert harr.[3]
Weblenken
ännern- Texas Terror in de Internet Movie Database (engelsch)
Borns
ännern- ↑ Dreihöörd in de IMDb
- ↑ Premierendaten op IMDb
- ↑ Filmkritik auf kino.de, afropen an’n 28. März 2013