The Naked Gun 2½: The Smell of Fear

The Naked Gun 2½: The Smell of Fear (op plattdüütsch so veel as „De naakte Kanoon 2½: De Röök vun de Angst“; dt. Titel: Die nackte Kanone 2½) is de Titel vun en US-amerikaansche Kummedie-Film ut dat Johr 1991. De Film is de Nafolger vun de Kummedie The Naked Gun: From the Files of Police Squad! vun 1988 un warrt opfolgt vun Naked Gun 33⅓: The Final Insult ut dat Johr 1994.

Filmdaten
Plattdüütsch Titel:	—
Originaltitel:	The Naked Gun 2½: The Smell of Fear
Düütsch Titel:	Die nackte Kanone 2½
Produkschoonsland:	USA
Johr vun’t Rutkamen:	1991
Läng:	82 Minuten
Originalspraak:	Engelsch
Öllersfreegaav in Düütschland:	FSK 12
Filmkru
Speelbaas:	David Zucker
Dreihbook:	David Zucker Pat Proft
Produkschoon:	Robert K. Weiss
Musik:	Ira Newborn
Kamera:	Robert M. Stevens
Snitt:	Christopher Greenbury James R. Symons
Dorstellers
Leslie Nielsen: Lt. Frank Drebin Priscilla Presley: Jane Spencer George Kennedy: Cpt. Ed Hocken O. J. Simpson: Dtv. Nordberg Ed Williams: Ted Olsen Robert Goulet: Quentin Hapsburg Richard Griffith: Dr. Meinheimer / Earl Hacker Jacqueline Brookes: Anabell Brumford Anthony James: Hector Savage John Roarke: George H. W. Bush Margery Ross: Barbara Bush

Inholt

De Industrielle Quentin Hapsburg will hinnern, dat alternative Energieborns op’n Markt kamt, dör de Ööl, Köhlen un Atomkraft nich mehr bruukt warrt. Dorüm veröövt he en Anslag mit en Tietbomb op dat Institut vun Dr. Meinheimer, de disse ne’en Energieborns in’n Opdrag vun de Regeeren utforschen schall. In’n Verloop vun de Ünnersöken dröpt Lt. Frank Drebin op sien fröhere Leefste Jane, de intwüschen as Helpersche vun Dr. Meinheimer arbeit un bito ok noch jüst wat mit Hapsburg anfungen hett. As nu de Bombenanslag aver fehlsleiht, holt Hapsburg sik en Dubbelgänger vun Meinheimer ran, de an de Steed vun den Wetenschoppler den wieteren Bruuk vun de ollen bekannten Energiedrägers anraden schall.

As dat to’t Verkünnen op en Diner kamen schall, kann Lt. Drebin jüst noch dorför sorgen, dat de echte Dr. Meinheimer optreden kann. Hapsburg roovt dorophen Jane un maakt en Bomb scharp, de aver vun Jane un Frank tosamen in’n letzten Ogenblick afschalt warrn kann. De Präsident maakt Drebin dorophen dat Anbott, en Sünnerdezernat leiden to künnen. Man, he lehnt af, ümdat he wedder mit sien Jane tosamenkamen kann.

Kritik

Lexikon vun’n internatschonalen Film: Fortsetzung von ‚Die nackte Kanone‘, streckenweise schleppend und weniger originell, aber immer noch mit genug absurdem Witz und einigen für Filmfans amüsant zu enträtselnden Genreparodien.

Utteken

De Film is för dree Priesen vörslahn wesen. Twee dorvun hett he wunnen:

• 1991: de Goldene Lienwand
• 1992: den ASCAP Award in de Kategorie Top Office Box Films för Ira Newborn

Anspelen op annere Filmen

Eenige Gags sünd klore Afleggers ut de Feernsehreeg Police Squad! (dt.: Die nackte Pistole), vun de de Filmreeg inspireert weer, so to’n Bispeel de Pistolentweekamp op nich mol twee Meter.

Man ok op en Reeg vun annere Filmen warrt anspeelt: So speelt in de Bar en Klavierspeler mit den Naam Sam as in Casablanca un op’n Ball kriggt de Rullstohl vun den Meinheimer-Dubbelgänger en Kortsluss un flüggt an’n Maand vörbi in’n Stil vun E.T. the Extra-Terrestrial. As sik Jane un Frank verdrägen doot, sitt se an en Töpperschiev jüst so as de Protagonisten in Ghost. De Szeen mit de Atombomb speelt dorgegen op den James-Bond-Film Goldfinger an, in den Bond en Bomb lahmleggen mutt, de jüst so utsütt.

Anners wat

• Zsa Zsa Gabor speelt sik in en Gastrull sülvst, as se in’n Vörspann op en Polizeiauto inslahn deit. Dat Speelt op en Vörfall ut dat Johr 1989 an, as se en Polizisten en langt harr.
• As ok al in’n eerste Deel hett Weird Al Yankovic en korte Gastrull. Ditmol speelt he en Verbreker mit Wapen op de Polizeiwacht.
• De Mann, de op’n Ball vun bi’t Dansen mit Jane vun Frank aflöst warrt, is Mel Tomé. In den Film Top Secret! vun 1984 harr sik de Hööftfigur Nick Rivers in een Szeen as Mel Tomé utgeven (in de düütschen Synchronisatschoon is dorut Heino worrn). David Zucker weer in beide Filmen Speelbaas.
• As de Hööftdorstellers as Mariachi-Muskanten verkleedt Bésame mucho speelt, dreiht se jemehr Gitarrn as’n Windrad üm 360° vör sik. Dat is en Anspelen op de Grupp ZZ Top, de för dissen Effekt bekannt weer.

Weblenken

• The Naked Gun 2½: The Smell of Fear in de Internet Movie Database (engelsch)