Ghost
Ghost (op Platt so veel as „Geist“) is de Titel vun en US-amerikaanschen Tragikummedie ut dat Johr 1990 mit Patrick Swayze un Demi Moore in de Hööftrullen. Speelbaas weer Jerry Zucker. De Kölner Stadt-Anzeiger beschreev den Film as en ungewöhnliche Mischen ut Horrorfilm, Kummedie un Romanze.[1]
| Filmdaten | |
|---|---|
| Plattdüütsch Titel: | — |
| Originaltitel: | Ghost |
| Düütsch Titel: | Ghost – Nachricht von Sam |
| Produkschoonsland: | USA |
| Johr vun’t Rutkamen: | 1990 |
| Läng: | 122 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Jerry Zucker |
| Dreihbook: | Bruce Joel Rubin |
| Produkschoon: | Howard W. Koch Lisa Weinstein Steven-Charles Jaffe |
| Musik: | Maurice Jarre |
| Kamera: | Adam Greenberg |
| Snitt: | Walter Murch |
| Szenenbild: | Jane Musky |
| Kledaasch: | Ruth Morley |
| Dorstellers | |
| |
Inholt
ännernSam Wheat un Molly Jensen sünd en jung Poor, dat sik jüst en Tohuus opboot hebbt. Se hebbt sik dull leev un all schient goot för jem to lopen. Op’n Weg vun en Theaterbesöök na Huus snackt se jüst över’t Heiraten, as se vun en smuddeligen Kerl överfallen warrt, de dat op Sams Breeftasch afsehn hett. Man, Sam will se em nich eenfach so överlaten un grippt den Röver an. In’t Kuddelmuddel geiht de Pistool los un Sam warrt doodschaten. Toeerst begrippt he dat nich un löppt den Röver na, man as he torüch kummt, sütt he sien Lief blöden op de Eer in de Arms vun Molly. He will dat nich wohr hebben un so verpasst he den Tietpunkt, as de Geister, de em in’n Himmel bringen wüllt, to’n Afhollen kamt.
Na un na begrippt he, dat de dood is un nu as Geist op de Eer wannelt. He kann sien Ümwelt sehn, man annere Lüüd künn em nich sehn. Mit de Tiet lehrt he, dat noch mehr Geister op de Eer wannelt, un dat so wat vörkummt, wenn een noch en Opgaav to doon hett. As he Molly besöcht, warrt he wies, dat de Röver, de em doodschaten hett, in de Wahnung inbrikt un wat söcht. He löpt em na un stellt fast, dat de Roov keen Tofall weer. Natürlich kriggt he Angst üm Molly, weeet aver nich, wat he doon schall. As he dör de Straten löpt sütt he den Laden vun de Spökenkiekersche Oda Mae Brown un versöcht sien Glück bi ehr. Wohrhaftig stellt he fast, dat se em höörn kann un besnackt ehr, mit Molly Kontakt optonehmen, dördor dat he ehr stünnenlang I am Henry the Eight, I am vörsingt. Vun en annern Geist, denn he in de U-Bahn drapen hett lett he sik butendem bibringen, woans he sien Gedanken so bünneln kann, dat he dormit Saken in de wohren Welt beinflussen kann.
Mit de Tiet kummt Sam dorachter, dat sien Kolleeg un besten Fründ in de Bank, woneem se arbeidt hebbt, Geldwäsch för en kriminelle Organisatschoon bedreven hett. Mit de Help vun Oda Mae vermasselt Sam Carl dat Gewarf, maakt sien Konten leddig un lett Oda dat Geld – ünner Wedderwillen – för en goden Sinn spennen.
De opbröchte Carl is nu ok achter Molly her un maakt sik an ehr ran. Sam versöcht ehr to helpen un to schulen, un kann dör sien geistige Kraft Carl aflenken. Dör en Unfall kummt Carl an’n Enn sülvst üm’t Leven un Sam mutt schockeert tokieken, as Carls Seel vun de bösen Geister un Dämonen in de Höll treckt warrt. Vör een Ogenblick kann Molly Sam sehn, den sien Opgaav Molly to schulen nu to Enn is. Sam kann sik vun Molly verafscheden un föhrt denn hell lüchten in den Himmel op, wieldat Molly em trurig nakieken deit.
Kritiken
ännernLexikon vun’n internatschonalen Film: Geschickt inszenierte, gefühlvolle Unterhaltung, die auf Komik, Sentimentalität und Action setzt.[1]
Utteken (Utwahl)
ännernDe Film hett groten Spood hatt, wat sik ok dorin wiesen deit, dat he mit 17 Filmpriesen uttekent worrn is un för wietere 22 nomineert weer. Wunnen hett he ünner annern:
- 1991: den Oscar in de Kategorie Best Original Dreihbook för Bruce Joel Rubin.
- 1991: den Oscar in de Kategorie Beste Nevendorstellerin för Whoopi Goldberg.
- 1991: den Golden Globe in de Kategorie Beste Nevendorstellerin för Whoopi Goldberg.
- 1991: den BAFTA Award in de Kategorie Beste Nevendorstellerin för Whoopi Goldberg.
- 1991: den Saturn Award in de Kategorie Beste Fantasyfilm.
- 1991: den Saturn Award in de Kategorie Beste Hööftdorstellerin för Demi Moore.
- 1991: den Saturn Award in de Kategorie Beste Nevendorstellrin för Whoopi Goldberg.
- 1991: den American Comedy Award in de Kategorie Lustigste Nevendorstellerin in en Speelfilm för Whoopi Goldberg.
- 1991: de Golden Lienwand.
- 1992: den Image Award in de Kategorie Rutragen Hööftdorstellersche in en Speelfilm för Whoopi Goldberg.
Borns
ännern- ↑ a b www.djfl.de
Literatur
ännern- Meinolf Zurhorst: Demi Moore. Lady und Vamp. Heyne-Filmbibliothek, Band 248. Wilhelm Heyne Verlag, München 1997, ISBN 3-453-11858-8, S. 88–98, 246–247