Thekla Reuten
Thekla Reuten (börgerlich Naam: Thekla Simona Gelsomina Reuten; * 16. September 1975 in Bussum, Nedderlannen), is een nedderlännsch Schauspelerin.
Reuten hett ehr Utbillen op den Schauspeelschool in Amsterdam maakt un güng glieks na ehrn Afsluss na’n Film. Thekla Reuten, de neven Nedderlännsch ok Engelsch, Italiensch, Franzöösch un Düütsch snacken kann, is in en ganze Reeg vun Fernseh- un Kinofilmen to sehn. Dorünner sünd ok eenige düütsch-nedderlännsche Koprodukschonen.
Wat mehr begäng vun ehr Filmen sünd t. B. Kruimeltje (dt.: Krümelchen) vun 1999 , de ünner den internatschonalen engelschen Titel Little Crump op’n Filmfestival in Berlin wiest worrn is, un de Filmkummedie Iedereen beroemd! (dt.: Jeder ist ein Star!), wie ok Rosenstrasse, wo se tohopen mit Katja Riemann un Jürgen Vogel speelt.
As en vun de bedüdensten Rullen vun ehr warrt de Lotte in den Film De Tweeling (dt.: Die Zwillinge) ankeken. Se speelt een vun de Tweeschen mit Nadja Uhl as ehr Süster. Acht Johr weern vör den Film maakt worrn, bit dat losgüng. Iedereen beroemd! un De Tweeling weern beid nomineert för den Oscar in de Kategorie Best frömdsprakig Film.
Filmografie (Utwahl)
ännern| Johr | Titel | Synchroonsnacker |
|---|---|---|
| 1998 | De Trip van Teetje | |
| 1999 | Kruimeltje dt.: Krümelchen |
|
| 2000 | Iedereen beroemd! dt.: Jeder ist ein Star! |
|
| 2000 | De zwarte Meteoor | |
| 2001 | De Acteurs, Feernsehreeg | |
| 2001 | Chalk, Kortfilm | |
| 2002 | Bella Bettien | |
| 2002 | De Tweeling dt.: Die Zwillinge |
|
| 2003 | Rosenstrasse dt.: Rosenstraße |
|
| 2004 | Suske en Wiske: De duistere diamant | |
| 2006 | Sleeper Cell, Feernsehepisoden | |
| 2007 | Highlander: The Source dt.: Highlander – Die Quelle der Unserblichkeit |
Katrin Zimmermann |
| 2008 | In Bruges dt.: Brügge sehen... und sterben? |
Anna Carlsson |
| 2008 | Lost, Feernsehfolg (The Economist) | Gundi Eberhard |
| 2008 | Wit licht | |
| 2009 | Waffenstillstand | sülvst |
| 2010 | The Amerian | Anna Carlsson |
| 2011 | Hotel Lux | |
| 2011 | Hidden, Feernseh-Minireeg | |
| 2012 | Restless dt.: Ruhelos |
|
| 2013 | Het Diner | |
| 2013 | Da geht noch was! | |
| 2014 | Atlantic. | |
| 2014 | The Legend of Longwood dt.: Die Legende der weißen Pferde |
|
| 2015 | De Reünie | |
| 2015 | Schone handen | |
| 2018 | Red Sparrow | Ute Noack |
Utteken
ännernThekla Reuten werr 1998 nomineert för dat Goldene Kalf vun’t Nedderlännsch Filmfestival in de Kategorie Beste Dorstellerin in’n Film De Trip van het Teetje. Op de Berlinale 2004 is se mit den Shooting Star uttekend worrn.
Websteden
ännern- Thekla Reuten in de Internet Movie Database (engelsch)
- Ehr offiziell Websteed