Truncus costocervicalis
De Truncus costocervicalis (Rippen-Halsstamm) is en korte Arterie, de ’n beten sietlich vun de Arteria thoracica interna ut de Arteria subclavia aftwiegt. Disse Fattstamm versorgt mit sien Aftwiegen de Twüschenwarvelrüüm I un II as ok de deepe Nackenmuskulatur
Verloop un Aftwiegen
ännernDe Rippen-Halsstamm is bannig kort un deelt sik denn op in de Arteria cervicalis profunda („deepe Halsarterie“) un de Arteria intercostalis suprema („böverste Twüschenrippenarterie“).
De Arteria cervicalis profunda löpt twüschen de Dweerfoortsätz vun’n sövten Halswarvel (C7) un vun’n eersten Bostwarvel (Th1) na de depen Nackenmuskulatur, de se mit suerstoffriek Blood versorgt.
De Arteria intercostalis suprema tütt na ünnen in de Richt vun Hals vun de eersten Ripp un deelt sik dor noch mol op in de Arteria intercostalis posterior prima („eerste achtere Twüschenrippenarterie“) un de Arteria intercostalis posterior secunda („tweete achtere Twüschenrippenarterie“). Se versorgt de entsprekenden Twüschenwarvelrüüm I un II. Beide Arterien billt binnen de Twüschenwarvelrüüm Anastomosen mit de Rami intercostalis anteriores I et II („vördere Twüschenwarveläst I un II“), de ut de Arteria thoracica interna aftwiegt.
Borns
ännern- Hermann Voss, Robert Herrlinger: Taschenbuch der Anatomie, Band II: Eingeweide, Kreislaufsystem. Gustav Fischer Verlag, Stuttgart 1988, 17. Opl., S.376-377. ISBN 3-437-00502-2