Tschuwasch’sche Spraak

Tschuwasch’sch
Snackt in	Russland, Kasachstan
Sprecher	1,8 Millionen
Klassifikatschoon	Altaische Spraken (ümstreden) Törkspraken Oghursche Spraken Tschuwasch’sch
Offitschell Status
Amtsspraak in	Tschuwaschien
Spraakkoods
ISO 639-1	cv
ISO 639-2	(B) chv	(T) chv

De Tschuwasch’sche Spraak is ene Törkspraak, de in Russland (vör allen Tschuwaschien) un Kasachstan vun de Tschuwaschen spraken warrt.

Historie

To Enn dat 19. Johrhunnert is de Spraak vun en Volksspraak to’n opschrevene Spraak worrn. Besünners de Linguist un Törkoloog Nikolai Iwanowitsch Aschmarin hett to Anfang dat 20. Johrhunnert veel opschreven un en groot Wöörbook rutgeven.

Schrift

Dat eerste Schriftsystem för Tschuwasch’sch is 1878 opkamen, as russ’sche Missionare en kyrillsch Alphabet inföhrt hebbt, dat mit veer Extrateken an dat Tschuwasch’sche anpasst worrn is. Ok Vertreders vun dat Tschuwasch’sche weren 1926 op den Törkologen-Kongress in Baku, wo se en eenheitlich törksch Alphabet för all Törkvölker utklamüsert hebbt. Doch de Tschuwaschen hebbt nich veel Intress wiest un sünd bi de kyrillsche Schrift bleven.

Weblenken

• Wikipedia op Tschuwasch’sch (tschuwasch’sch)
• E. Čaušević: Tschuwaschisch. in: M. Okuka (Hg.): Lexikon der Sprachen des europäischen Ostens. Klagenfurt (= Wieser Enzyklopädie des europäischen Ostens 10) 2002. S. 811.