Tunica dartos
De Tunica dartos (Fleeschhuut) is en dünne Schicht vun gladde Muskelfesen ünner de Huut vun’n Klötensack.
Se hett de Opgaav, de Temperatur vun de Klöten to reguleeren. Wenn dat koolt is, tütt sik de Muskelschicht tohopen. Dordör warrt de Huut vun’n Büdel rauh un schrumpelig un de Böverflach warrt lütter, so dat weniger Warms vun ’n Lief verloren geiht un de Klöten warmer blieft. Anners rüm warrt de Böverflach grötter, wenn de Muskelschicht slapp warrt un de Klöten köhlt af. De Reakschoon vun’n Lief op de Temperaturännern aver ok op mechaanschen Reiz warrt ok as Skrotalreflex betekent.
Jüst so en Funkschoon to’n Reguleeren vun de Temperatur vun de Klöten hett de Musculus cremaster (Klötenhevermuskel), de bi küllere Temperaturen de Klöten na baven un dormit dichter an’n Lief tütt, so dat se mehr Warms kriegt.
De Innervatschoon vun de Tunica dartos passeert över sympathische Fesen vun’n Ramus genitalis vun den Nervus genitofemoralis.
Bi öllere Mannslüüd kann de Muskelspannung vun de Tunica dartos nalaten, so dat de Klötensack depper rünnerhangt.
De sülven Muskelfesen gifft dat bi de Fronslüüd ok. Se sünd aver weniger stark utprägt un leegt ünner de Huut vun de groten Schaamlippen.
Literatur
ännernUwe Gille: Männliche Geschlechtsorgane. In: F.-V. Salomon u. a. (Rgv.): Anatomie für die Tiermedizin. Enke, Stuttgart 2004, S. 389–403. ISBN 3-8304-1007-7