Vörarlbarg (hoochdüütsch Vorarlberg) is en Bundsland vun Öösterriek. Vörarlbarg hett 367.048 Inwahners (Stand 31. März 2008) op 2.601,48 km². De Hööftstadt is Bregenz, de gröttste Stadt aver Dornbirn.

Flagg vun Vörarlbarg
Wapen vun Vörarlbarg
Laag vun Vörarlbarg binnen Öösterriek

GeografieBearbeiten

Vörarlbarg liggt in de Alpen. Dat Land reckt vun 395,23 m över’n Adria-Pegel an’n Bodensee bet 3.312 m ö. A. op’n Piz Buin.

NaversBearbeiten

Vörarlbarg grenzt in’n Noorden an dat düütsche Bundsland Bayern. In’n Oosten liggt dat öösterrieksche Bundsland Tirol, in’n Süden de Swiezer Kanton Graubünden un in’n Westen dat Förstendom Liechtensteen un de Swiezer Kanton St. Gallen.

HistorieBearbeiten

As Bundsland grünnt worrn is Vörarlbarg 1918. Dat dee in disse Form al siet 1861 bestahn. An’n 11. Mai 1919 hebbt se in Vörarlbarg afstimmt, wat se mit de Swiez verhanneln wullen, dat Vörarlbarg sik de Swiez ansluten dee. 80 % vun de Wählers hebbt seggt, dat se verhanneln schullen. 1938 hebbt de Natschonalsozialisten na’n Ansluss vun Öösterriek Vörarlbarg tohoopleggt mit Tirol un dor den Gau Tirol-Vörarlbarg vun maakt. De is 1945 na dat Enn vun’n Natschonalsozialismus wedder oplööst worrn un Vörarlbarg is wedder sülvstännig worrn.

InwahnertallBearbeiten

Tied Inwahners
7. März 1923 139.968
1. Juni 1951 193.657
21. März 1961 226.323
12. Mai 1971 271.473
12. Mai 1981 305.164
15. Mai 1991 333.128
15. Mai 2001 376.599

PolitikBearbeiten

Landeshauptmann is siet 1997 Herbert Sausgruber vun de ÖVP. De 36 Sitten in’n Landdag verdeelt sik siet de Wahl vun 2004 so:

DelenBearbeiten

 
Bezirke

Vörarlbarg deelt sik op in veer Bezirke:

SpraakBearbeiten

Amtsspraak is jüst as överall in Öösterriek Hoochdüütsch. Vun’n Dialekt her warrt ans Vörarlbargsch snackt, wat en Deel vun de alemannsche Dialektgrupp is. Dormit grenzt sik dat Bundsland vun’n Rest vun Öösterriek af, de baiersche Mundoorden snackt.

WeblenkenBearbeiten

  Vörarlbarg. Mehr Biller, Videos oder Audiodateien to’t Thema gifft dat bi Wikimedia Commons.