Venkatraman Ramakrishnan
Venkatraman „Venki“ Ramakrishnan (* 1952 in Chidambaram, Tamil Nadu) is en indisch-amerikaansch Ribosomenforscher, Strukturbioloog un Nobelpriesdräger.
Leven un Wark
ännernRamakrishnan kreeg 1971 sien Bachelor of Science in Physik an de Universität in Baroda in Indien. 1976 kreeg he sien Doktertitel in Physik an de Ohio University. Ansluutend hett he bit 1978 Biologie an de University of California, San Diego studeert. As Post-Doktorand weer he van 1978 bit 1982 an dat Chemiedepartment vun de Yale University tätig. 1982 un 1983 forsch he an dat Oak Ridge National Laboratory un 1983 bit 1995 in de Biologieafdeelen vun dat Brookhaven National Laboratory. 1995 bit 1999 weer he Perfesser an dat Biochemiedepartment vun de University of Utah. Siet 1999 forscht he an dat Labor för Molekulare Biologie vun dat Medical Research Council in Cambridge, England, dat he all vun en Upenholt as Gastwetenschapler 1991 un 1992 kenn. Ramakrishnan is Fellow vun dat Trinity College an de Universität Cambridge.
Sien Forschung hett ünner annern to dat mechanistisch Verständnis vun de Synthese vun Proteinen dör dat Ribosom (de so nömmt Translatschoon) in’ Rahmen vun de Genexpression bidragen.[1] In dat Johr 2000 hett he mit sien Arbeitsgrupp de Röntgenkristallstruktur vun de 30S Ünnereenheit vun dat Ribosom bestimmt, as ok vun Komplexen vun disse Ünnereenheit mit verscheeden Antibiotika.[2][3] Dorupfolgen Arbeiten weern mit den Mechanismus befaat, de de Nauigkeit vun de Proteinbiosynthese togrunde liggt. In dat Johr 2006 hett he mit sien Arbeitsgrupp de atomare Struktur vun dat gesamt Ribosom in’ Komplex mit tRNA- un mRNA-Liganden upkloort. Neben sien Forschung an’ Ribosom is Ramakrishnan ok för sien fröhere Forschung to de Histon- un Chromatinstruktur bekannt.
Ehrungen
ännernHe is siet 2003 Liddmaat vun de britisch Royal Society, siet 2002 vun de European Molecular Biology Organization (EMBO) as ok siet 2004 vun de US-amerikaansch National Academy of Sciences. Hüm wurr tosommen mit Thomas Arthur Steitz un Ada Yonath de Nobelpries för Chemie 2009 „för de Studien to de Struktur un Funktschoon vun dat Ribosom“ tospraaken.[4]
Privates
ännernHe is siet 1975 mit Vera Rosenberry verheiraadt, de as he ok, Vegetarier is.
Utteknungen
ännern- 2007: Louis-Jeantet-Pries för Medizin
- 2007: Datta-Medaille un Vördrag, Johresversammeln vun de FEBS, Wien
- 2008: Heatley-Medaille, British Biochemical Society
- 2009: Nobelpries för Chemie (tosommen mit Thomas Arthur Steitz un Ada Yonath)
- 2010: Liddmaat vun de Deutschen Akademie der Naturforscher Leopoldina – Nationale Akademie der Wissenschaften
- 2010: Padma Vibhushan
- 2012: Ridder/Knight Bachelor (kt.) in’ Rahmen vun de New Year Honours.
Warken
ännern- The Green function theory of the ferroelectric phase transition in KDP. Dissertatschoon, Ohio University, 1976.
Enkeld Nahwiesen
ännern- ↑ V. Ramakrishnan (2008): What we have learned from ribosome structures. In: Biochem. Soc. Trans. Band 36, Teil 4, S. 567–574. PMID 18631119 doi:10.1042/BST0360567
- ↑ B.T. Wimberly, D.E. Brodersen, W.M. Clemons Jr, R.J. Morgan-Warren, A.P. Carter, C. Vonrhein, T. Hartsch, V. Ramakrishnan (2000): Structure of the 30S ribosomal subunit. In: Nature. Bd. 407, Nr. 6802, S. 327–339. PMID 11014182 doi:10.1038/35030006
- ↑ A. P. Carter, W. M. Clemons Jr., D. E. Brodersen, B. T. Wimberly, R. J. Morgan-Warren, V. Ramakrishnan (2000): Functional insights from the structure of the 30S ribosomal subunit and its interactions with antibiotics. In: Nature. Bd. 407, Nr. 6802, S. 340–348. PMID 11014183 doi:10.1038/35030019
- ↑ [http://www.nobelprize.org/nobel_prizes/chemistry/laureates/2009/
Weblenken
ännern
Venkatraman Ramakrishnan. Mehr Biller, Videos oder Audiodateien to’t Thema gifft dat bi Wikimedia Commons.
- Levensloop up de Internetsieden vun Ramakrishnan sien Arbeitsgrupp (PDF, engelsch; 81 kB)
- Internetsieden vun Ramakrishnan sien Arbeitsgrupp (engelsch)
- Biographical Sketch: Venki Ramakrishnan, Ph.D. (engelsch)
- Siet vun den Nobelpries