Viebrockhaus
De Viebrockhaus AG is een von de gröttsten Massivhuus-Herstellers in Düütschland. Dat Familienünnernehmen hett sien Sitt in Harsfeld in’n Landkreis Stood un is en Aktiensellschop. Viebrockhaus hett in negen Öörd in Düütschland Munsterhuusparks stahn un in ölven Öörd Beratungsbüros. Allens tohoop arbeidt dor so bi 500 Lüüd. Dat Ünnernehmen hett 2006 en Ümsatz von 115 Millionen Euro maakt (tohoop mit Franchisenehmers üm un bi 200 Millionen Euro).
Anfungen hett dat mit Viebrockhaus 1954 mit’n Mürgermeester Gustav Viebrock, de de eersten Hüüs noch mit egen Hannen müürt hett. Dat eerste Typenhuus V1 hett dat 1962 geven. De eersten Viebrockhüüs buten Neddersassen sünd 1995 von Franchise-Partners boot worrn. 1999 keem dat 3-Liter-Viebrockhaus rut un 2002 dat 2-Liter-Viebrockhaus. 2004 sünd all Hüüs von DIN-CERTCO zertifizeert worrn. Von 2005 af an hett Viebrockhaus anfungen in’n Winter Hüüs ünner en bööt Telt to boon. Von 2008 af an sünd all Hüüs blots noch ahn Öol un Gas bööt worrn un harrn Warmspumpen.
Viebrockhaus is ok in de Nedderlannen aktiv. In Noord- un Middeldüütschland hett dat Ünnernehmen mehr as 40 Munsterhüüs stahn, 21 dor von in Fambossel.
Weblenken
ännern- Websteed von Viebrockhaus (hoochdüütsch)