Walter Arendt

düütsch Politiker

Walter Arendt (* 17. Januar 1925 in Heessen; † 7. März 2005 in Bornheim) weer en düütsch Politiker (SPD).

Walter Arendt, 1976

He weer van 1969 bit 1976 Bundsminister för Arbeit un Sozialsaken.

Utbillen un Berop ännern

Nah den Besöök vun de Volks- un de Beropsschool hett Arendt en Utbillen to'n Bargmann maakt un weer denn van 1939 bit 1947, ünnerbraken dör den Arbeits- un Kriegsdeenst as ok ansluutend Kriegsfangenschap, in' Bargbau tätig. Van 1947 bit 1949 hett he jeweils een Johr de Akademie der Arbeit in Frankfort an’n Main as ok de Akademie för Gemeenwirtschap in Hamborg besöcht. Van 1948 bit 1955 weer he denn bi de Presseafdeelen vun de IG Bergbau und Energie (hüüd: IG Bergbau-Chemie-Energie) in Baukem, toletest af 1954 as kommissarisch Baas vun de Pressestäe tätig. 1955 is he denn in den geschäftsführen Vörstand vun de IG Bergbau und Energie uprückt un wurr tolest 1964 to den Vörsitter vun de Gewerkschap köört. 1967 wurr he bito Präsident vun den Internatschonalen Bargarbeiterverband. Mit de Benennen to'n Bundsminister för Arbeit un Sozialordnung is Arendt 1969 ut sien Gewerkschaftsämter utscheeden.

Partei ännern

Arendt weer siet 1946 Liddmaat vun de SPD. Van 1968 bit 1979 weer he Liddmaat in den SPD-Bundsvörstand. Van 1973 bit 1979 weer he bito Liddmaat vun dat Präsidium vun de SPD.

Afordneter ännern

Van 1961 bit 1980 weer Arendt Liddmaat vun den Düütschen Bundsdag, van 1961 bit 1969 ook Liddmaat vun dat Europäisch Parlament. Van 1976 bit 1980 weer he stellvertreden Vörsitter vun des SPD-Bundsdagsfraktschoon.

Apenlich Ämter ännern

Nahdem de sozialliberaal Koalitschoon bild wurrn weer, wurr Arendt an' 22. Oktober 1969 as Bundsminister för Arbeit un Sozialordnung in dat Kabinett vun Willy Brandt beroopen. He behull dat Amt eerstan ok ünner Bundskanzler Helmut Schmidt, hett aver nah de Bundsdagswahl 1976 up en nochmalig Liddmaatschap in't Kabinett torüchstahn un is dormit an' 14. Dezember 1976 ut de Bundsregeeren utscheeden.

Weblenken ännern

  Walter Arendt. Mehr Biller, Videos oder Audiodateien to’t Thema gifft dat bi Wikimedia Commons.