Wangeroog
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 4,97 km² | |
| Inwahners: | 1.304 (31. Dezember 2015) | |
| Inwahnerdicht: | 262,4 Inwahners pro km² | |
| Hööchd: | 3 m över de See | |
| Postleettall: | 26486 | |
| Vörwahl: | 04469 | |
| Geograafsche Laag: | Koordinaten:53° 47′ N, 7° 54′ O53° 47′ N, 7° 54′ O | |
| Grenzen bi OSM: | 1187506 
| |
| Gemeenslötel: | 03455021 | |
| Börgermeester: | Marcel Fangohr | |
| Websteed: | www.gemeinde-wangerooge.de | |
| ||
Wangeroog is de oostfreesche Insel, de an'n wietsten na Oosten to liggt.
.jpg)
Geographie
ännernDe Insel is 8 km lang un 1,2 km breet. An'n Noordrand treckt sik ene 10 bit 15 m hoge Dünenkeed langs. De Insel is in verleden Tieden stännig na Oosten wannert, wiel de Wind un dat Meer den fienen Sand vör sik her dreven hett.
Historie
ännernDar wo vandagen de Oostküüst von Spiekeroog is, weer vör 300 Jahr de Westküst von Wangeroog. Mit de Insel wannern ok de Inwahners mit ehre Hüüs wieter na Oosten to. De Wannerung höör eerst up, as um 1874 in'n Westen de Strandschutzwarke boot woorn. Dat Dorp leeg fröher maal dar, wo vandagen de Westturm steiht. In de Stormfloten von 1854/55 gung dat ole Dorp unner, un de Wangeroogers boen dat in de Midde von de Insel wedder up. 14 Daag vör dat Enn von den lesten Krieg fullen hier noch 6000 Bomben un wedder bleev de Inselbewahners nix anners över as en Ruinenfeld. De Umstännen na woor in korte Tiet dat ne'e Dorp an de ole Steed upboot. Nich bloots Wahnhüüs, man ok Hotels, Pensionen un Frömdenheime togen al bold wedder Gäste an. 1962 woor Wangeroog as en Neddersassisch Staatsbad betekent. Vandagen weert in en Jahr över 600 000 Övernachtungen tellt un darto kaamt noch de Tahlen von de velen Kinnerheime un de Jöögdharbarg in'n Westturm. De Wangeroogers hefft sik dat veel kosten laten, dat ehre Insel mit de annern Badeöörd an de Noordsee best konkurreeren kunn. De över 1 km lange Burgen- un Badestrand un de Promenaden woorn moi herricht, en Meerwaterswemmbecken boot, dat Huus för den Kurgast inweiht, Sportplätze un Parks anleggt un vele annere Inrichtungen för de Badegäst herstellt.
Politik
ännernBörgermeesters
ännern| Tied | Naam | Partei |
|---|---|---|
| 1986 – 1988 | Adolf Wilhelmi | |
| Rudolf Krätzschmar | ||
| – 1996 | Bärbel Herfel | CDU |
| 1996 – 2014 | Holger Kohls | ahn Partei |
| 2014 – 22. Januar 2018† | Dirk Lindner | ahn Partei |
| 23. Januar 2018 – 30. Juni 2018 | nich besett | |
| siet 1. Juli 2018 | Marcel Fangohr | ahn Partei |
Gemeendirekters
ännern| Tied | Naam |
|---|---|
| –1979 | Hans-Joachim Pott |
| 1979–1985 | Rainer Timmermann |
| 1985−1990 | Günter Remigius Till |
| 1990– | ... |
Spraak
ännernWangerooge is de leste mank de oostfreeschen Inseln, wo noch bit in de 1930er Jahren een freesche Dialekt snackt wurrn is. Dat weer dat Wangerooger Freesch, wat een Deel vun dat Werserfreesch weer, wat nu wedder to dat Oostfreesch tohören dö. Üm un bi 1950 is dat denn aber utsturben, as de leste Snacker sturben is.
-
De Westtoorn, dat Wahrteken van dat Eiland Wangeroog -
De Wangerooger Haven -
De olle Füürtoorn -
De neei Füürtoorn -
Strand un Dünen -
Café Pudding
Weblenken
ännern
- Feerjenoort Wangeroog, afroopen an' 6. Februar 2017.
