We’ermööd
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21444 | |
| Vörwahl: | 04172 | |
| Geograafsche Laag: | Koordinaten:53° 16′ N, 10° 12′ O53° 16′ N, 10° 12′ O | |
|
| ||
We’ermööd (hoochdüütsch Weddermöde) is en lütten Oort in de Gemeen Veerhöben (Samtgemeen Solzhusen) in’n Landkreis Horborg, Neddersassen.
Geografie
ännernDe Oort liggt in’n Noorden von de Lümbörger Heid an de Luh.
De Naveröörd sünd Veerhöben in’n Noordoosten, Westergellsen in’n Süüdoosten, Loobk in’n Süden, Solzhusen in’n Süüdwesten, Toppenstää in’n Westen un Gastää in’n Noordwesten. Dichtbi liggt ok Sneed.
Historie
ännernVerwaltungsgeschicht
ännernIn de Franzosentied von 1810 bet 1814 hett de Oort to de Mairie Garlstörp in’n Kanton Garlstörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
Bet in de Midd von dat 19. Johrhunnert hett de Oort to Solzhusen mit bihöört, is denn aver in de Gemeen Veerhöben wesselt.
De Oort hett vör 1885 to de Amtsvaagdie Garlstörp in dat Amt Winsen tohöört. Blots in de Johren 1852 bet 1859 hett We’ermööd för en Tied to dat Amt Solzhusen höört. Na 1885 weer dat in’n Kreis Winsen. 1932 is dat Deel von’n Kreis Horborg worrn.
Inwahnertall
ännern| Johr | Inwahners |
|---|---|
| 1791[1] | 1 Füürsteed |
| 1824[2] | 1 Füürsteed |
| 1848[3] | 24 Lüüd, 2 Hüüs |
| 1. Dezember 1871[4] | 22 Lüüd, 2 Hüüs |
Religion
ännernWe’ermööd is evangeelsch-luthersch präägt un höört to dat Kaspel von de Johannis-Kark in Solzhusen.
För de Kathoolschen is de St.-Maria-Kark in Äästörp tostännig, de siet 1. November 2014 to de Karkengemeen St. Petrus in Bookholt tohöört.
Weertschop un Infrastruktur
ännernVerkehr
ännernWe’ermööd is över lüttjere Straten in’n Oosten verbunnen mit de Kreisstraat 37 un in’n Westen mit de Landsstraat 234. De L 234 geiht in’n Noorden över Gastää na Winsen un in’n Süden na Solzhusen un Amelkusen. De K 37 löppt in’n Noordwesten na Beborg un in’n Süüdoosten na Westergellsen an de L 216.
De nächste Autobahn is de Autobahn 7 (Afsnidd Hamborg–Hannover). De Opfohrt 40 Garlstörp liggt so ölven Kilometer in’n Süüdwesten von We’ermööd an de L 216.
De nächste Bahnhoff is so bi 14 Kilometer wied weg in’n Noorden de Bahnhoff Winsen an de Bahnlien Hamborg–Hannover.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 241
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 633
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 135