West Bay (Islas de la Bahía)

West Bay is en Oort op dat Eiland Roatán (Islas de la Bahía) in dat Municipio Roatán, Departamento Islas de la Bahía, Honduras. De Oort liggt ganz an’t Westenn von Roatán un billt binnen dat Municipio Roatán en Oortsdeel (Caserío) von’n Oort (Aldea) West End.

Strand bi West Bay

Luftbild von Roatán mit West Bay ganz rechts

Lüüd an’n Strand

Anlegger

Geografie

De Naveröörd sünd West End in’n Noorden un Flowers Bay in’n Noordoosten. In’n Süüdwesten sünd dat 35 Kilometer bet na dat Naver-Eiland Útila. Vör de Küst doot Krallenriffs von dat Maya-Riff liggen.

Weertschop un Infrastruktur

För de Weertschop is vör allen de Tourismus von Belang, de von’n langen Sandstrand un von de Riffs (Dukers un Snorklers) antrocken warrt.

Verkehr

De eenzige Straat ut West Bay rut föhrt in’n Noordoosten na West End un Flowers Bay un von Flowers Bay wieder na Coxen Hole. Aver ok de Verkehr per Boot is wichtig.

De nächste Flegerhaven is de Juan Manuel Gálvez International Airport bi Coxen Hole.

Weblenken

West Bay (Islas de la Bahía). Mehr Biller, Videos oder Audiodateien to’t Thema gifft dat bi Wikimedia Commons.