Departamento Islas de la Bahía

Dat Departamento Islas de la Bahía (engelsch Bay Islands Department) is een von de 18 Departamentos von Honduras. Dat besteiht ut de Islas de la Bahía un en Reeg annere lüttjere Eilannen in de Karibische See vör de Küst von’n Fastlandsdeel von Honduras. Hööftstadt is Coxen Hole. Dat Rebeed tellt to dat Maya-Riff.

Allens tohoop sünd de Eilannen 260 km² groot. Dormit is dat Departamento mit Afstand dat lüttjeste in Honduras. De Eilannen sünd aver so verstreit in de Karibische See, dat dat Rebeed (de Cayos Zapotillos mitrekent) von Oost na West över 600 km reckt un von Noord na Süüd över 300 km. De Inwahnertall liggt bi 71.500 (Stand 2012).

Historie ännern

Dat Departamento is an’n 14. März 1872 inricht worrn.

Eilannen ännern

Blangen de Islas de la Bahía (Roatán, Útila, Guanaja un en Reeg lüttjere Eilannen un Cays) höört to dat Departamento ok de bewahnten Cayos Cochinos un de unbewahnten Islas del Cisne, de unbewahnte Banco Vivorillo un de Cays Cayo Bobel, Cayo Sur, Cayo Savanna un Cayo Port Royal. De Cayos Zapotillos tellt Honduras offiziell to sien Staatsrebeed un to dat Departamento Islas de la Bahía, aver de facto hett Belize de Hoheit över düsse lüttjen Cays.

Municipios ännern

Dat Departamento deelt sik in veer Municipios:

Weblenken ännern

Departamento Islas de la Bahía. Mehr Biller, Videos oder Audiodateien to’t Thema gifft dat bi Wikimedia Commons.

Departamentos in Honduras

Koordinaten:16° 24′ N, 86° 24′ W