Wikipedia Diskuschoon:Wikiprojekt Öörd

Ik hebb nu Himmelporten anleggt. Dorför hebb ik en lütt PHP-Skript schreven, de de hoochdüütschen Artikel parst (analyseert) un ut de normalerwies vörhannenen Daten so en Artikel maakt. (De de.Wikipedia hett in'n September Artikels för all Gemenen in Düütschland fardig: kiek hier)

Toeerst mal: Is dat all korrekt vun de Schrievwiesen; Vörslääg vun ju, wo dat noch beter ween kann?

Un denn: De Artikel is temlich mager. Blots Daten. För mehr Text mutt jümmer en Minsch dor ran, dat kann nich automaatsch maakt warrn. Is dat beter toeerst mal vele Artikels vun disse Soort antoleggen, dormit wi eerstmal wat hebbt un vele Öörd afdeckt, oder schall so wat jümmer glieks utboot warrn, so dat dor ok wat binnen steiht, wat intressant is? Denn duert dat aver temlich lang, bet wi en gröttere Tall Öörd afdeckt hebbt.

--::Slomox:: >< 01:55, 5. Sep 2005 (UTC)

Beste M., ick hevv jüst seen, wat du an Balje opp de. mookt hesst. Ganz best! BTW: wi weern uns dor jo meist inne Mööt komen- de Ännern dorvöör haar ick jüst vöör 2 Doog mookt. Tjer- nu haar ick hier vöör lange Tiiden jo all een Artikel van Balje anleggt. Mi dücht, dat schullst du jüst sou ännern as du dat in Himmelpoorten mookt hesst. Ick spieker mi dennen Kroom vöreerst aff un sett denn dennen aulen Text in de niege Vöörloog; kann denn jo op Gelegenheet ook noch jichenswat mehr dortau schrieven. Mi dücht- disse List van de Oortsnomen schullst du woll utbuuen; is denn jo recht wat lichter, enkelte Öör tau finnen. Man- ick mutt taugeeven, wat ick no ne allns begreepen hevv, woans dat an dennen Innen föör de Nomens weltwiet uttauseen waarn schall- mi dücht, een Verlinkung mit jem ehr hauchdüütsche Beteeknungen kann dat ne ersetten. Wat schull dat schooden, wenn bi jeden nedderdütschen/nedersaksischen Nomen ook de offizielle Noom dorachter steiht? Grötjes--fidi 10:38, 5. Sep 2005 (UTC)

Öörd in Nedderdüütschland, wo nich to Plattdüütschland höörn

Wat is mit de Öörd, wo Nedderdüütsch, man keen Plattdüütsch snackt warrt ? Dat is dat Rhienland üm Duisborg. Sarcelles 22:26, 6. Sep 2005 (UTC)

Dor nehmt wi de Namen, wat de plattdüütschen Lüüd ut de Ümgegend bruukt, wenn se de Öörd meent. --::Slomox:: >< 00:00, 7. Sep 2005 (UTC)

Dat weern denn hoochdüütsche Namen. Man in welke Fäll sünd de nedderdüütsche Namen anners.

Sarcelles 08:21, 7. Sep 2005 (UTC)

En good Bispeel vun wat ik meen is de Stadt, wat op nedderdüütsch Wopperdal heet.

Sarcelles 08:49, 7. Sep 2005 (UTC)

Wat wullst du nu noch höörn? Uns Wikipedia is ganz kloor för dat Rebeet nich mehr tostännig. Dorüm tellt nich, wat de nedderrhienischen Namen sünd, sünnern wat de plattdüütschen sünd. Ik weet nich, wat de plattdüütschen Westfalen to Wuppertal seggt, aver de westfäälsche Naam is de Naam, den wi bruken schöölt. --::Slomox:: >< 10:43, 7. Sep 2005 (UTC)

Plattdüütschland un Nedderdüütschland

Disse Rebeden hebben keen egen Artikel. Wat schööl een do moken ? Sarcelles 04:09, 9. Sep 2005 (UTC)

Gornix. De Begrepen gifft dat so nich. Wenn een Plattdüütschland seggt, denn meent he den Deel vun Düütschland, in den Platt snackt warrt. Dorför bruukt dat keen Artikel, dat is en Spaaßbegreep. --::Slomox:: >< 11:03, 9. Sep 2005 (UTC)

De Begrepen gifft dat. Un ,,Niederdeutschland" tominst is keen Spassnegreep.

Sarcelles 15:46, 9. Sep 2005 (UTC)

Hest ja Recht. Spaaßbegreep is nich de richtige Begreep för Nedderdüütschland. Aver dat is liekers keen Utdruck, to den du en Artikel schrieven kannst, de informative Fakten präsenteert. --::Slomox:: >< 17:05, 9. Sep 2005 (UTC)

Kike ok bi: http://de.wikipedia.org/wiki/Spezial:Whatlinkshere/Niederdeutschland. Dat sünd welke Sieten, de dorhen wiesen. Sarcelles 19:36, 9. Sep 2005 (UTC)

Herford

Na de Kreise Horborg un Stormarn hett nu ok Herford en List vun plattdüütsche Oortsnaams tohoopstellt: [1] --::Slomox:: >< 16:46, 2. Dez 2007 (CET)

Grootwöörbook

Ik heff güstern mal de Arbeitssteed vun dat Neddersassische Wöörbook in Göttingen anschreven, wat se in jemehr Belegdatenbank nich ok Infos to de Oortsnaams in Neddersassen un Bremen hebbt. Vunmorgen heff ik al Antwoort kregen (Loff an de Lüüd in Göttingen, so'n gaue Antwoort is nich de Normalfall na allens wat ik beleevt heff) un se hebbt seggt, dat se bi jemehr Fraagbagenakschonen 1936 ok de Naams vun de Öörd affraagt hebbt un dat se Infos ut en Arbeit an de Uni Mönster vun 1960 hebbt. Un se wüllt sogor afkloren, wat wi disse Datenbank nich kriegen dröfft, in de de Naams all al digital vörliggen doot. Höört sik dat nich good an? Nu weet ik nich, wat dor amenn bi rümkummt, se hebbt mi seggt, dat de Fraag nich jümmer utfüllt weer, un ik weet ok noch nich, woveel Öörd bi de twee Fraagbagenakschonen mitmaakt hebbt, bi de de Naams affraagt worrn sünd. Alltohoop hett dat Wöörbook Beleeg ut 2600 Öörd, dat is also dat Maximum. Ik bün man höpen, dat se de Datenbank rutrücken doot, ans mutt ik noch Benutzer:Historiograf/Klaus Graf op Göttingen dalschicken, de is ja man so för Open Access in de Wetenschop ;-)

Un wenn dat klappt, denn do ik ok de annern Grootwöörböker anschrieven. Oh, weer dat nich wat, wenn wi so'n Datenbank to de Oortsnaams vun dat Pommersche oder Oostpreußische Wöörbook kriegen deen?! --::Slomox:: >< 13:40, 7. Dez 2007 (CET)

Anfraagt

So, na'n Landkreis Jerichower Land heff ik nu ok all Gemenen (dat heet, all Gemenen, in de traditionell Plattdüütsch snackt warrt) in'n Landkreis Anholt-Bitterfeld anschreven. --::Slomox:: >< 00:41, 21. Mär 2008 (CET)

Plattdüütsche Delen vun'n Landkreis Wittenberg ok. Un in Dessau-Roßlau heff ik ok fraagt (poor Dörper, de to de Stadt höört, sünd plattdüütsch). --::Slomox:: >< 01:48, 21. Mär 2008 (CET)

Landkreis Horz ok. --::Slomox:: >< 13:11, 21. Mär 2008 (CET)

Un de Salzlandkreis nu ok. Dormit is de Grenz mit plattdüütsch-middeldüütsch opdeelte Kreise in Sassen-Anhalt trech. --::Slomox:: >< 14:47, 21. Mär 2008 (CET)

Ok Landkreis Börde is nu rutgahn. --::Slomox:: >< 01:38, 1. Apr. 2008 (CEST)

Landkreis Eiksfeld in Döringen hebbt se ok all Post kregen. --::Slomox:: >< 03:19, 1. Apr. 2008 (CEST)

Annern Ansatz

Toletzt heff ik en poor Anfragen in'n Süden vun Neddersassen maakt un weer nich recht tofreden mit de Antwoorden. Welk hebbt gode Antwoorden geven, bi annere hebbt se mi Naams ut ole Oorkunnen vun 1225 as plattdüütsche Naams verköfft. Un so blievt dor noch jümmer Lücken bi.

Ik probeer nu aver noch en annern Weg ut. Ik fraag nich blot bi Gemenen an, ik versöök dat ok bi StudiVZ. Bi so üm un bi 5 Millionen Brukers gifft dat to meist all Öörd ok Gruppen, in de sik Lüüd ut disse Öörd tohoopfunnen hebbt. Na dat, wat ik nu de letzte halve Stünn sehn heff, kann een dor mit reken, dat op 10.000 Inwahners vun en Gemeen 100 Lüüd in de Grupp to disse Gemeen sünd.

Wenn ik bi de Verwaltung vun en Gemeen fraag, denn leest mien E-Mail genau ene Person. De kann denn ganz faken keen Platt un söcht sik den Naam irgendwo rut. Wenn in een StudiVZ-Grupp nu aver 100 Lüüd sünd, de mien Fraag leest, denn is de Schangs groot, dat dor tominnst een bi is, de noog vun Platt afkennt, dat he tominnst den Naam vun sien Heimatoort kennt.

So, dat is de Theorie. Un nu tööv ik, wat dor würklich bi rutkummt. --::Slomox:: >< 20:34, 19. Jun. 2008 (CEST)

Nich veel is dor bi rutsuurt. Ik geev to, dat weer in de Ümgegend vun Hannover, nich de beste Grund, junge Lüüd to finnen, de wat vun Plattdüütsch afkennt. Ik harr mi dor liekers mehr vun verspraken. Nipp un nau een eenzigen Oortsnaam heff ik so rutkregen (bi so 20 Anfragen). Op jeden Fall weer de Tall Antwoorden, de sik mit In und um Hannover sprechen wir das hochdeutscheste Hochdeutsch! dickdaan hebbt düüdlich grötter... --::Slomox:: >< 02:15, 29. Sep. 2008 (CEST)

Wupperdaal

Dat hett noch kene Klöör. (http://de.wikipedia.org/wiki/Dialekte_in_Wuppertal) Sarcelles 17:24, 26. Sep. 2008 (CEST)

Hest worraftig recht. Nächstebreck, Langerfeld un Hilgershöhe höört na Westfalen to. Un bi dat genaue Bekieken vun de Isoglossen is mi ok noch opfullen, dat de Oort Nierenhof in'n Kreis Mettmann ok noch in Westfalen liggt (naja, de Deilbach is de Grenz un Nierenhof liggt to beide Sieden vun'n Deilbach. Aver de Oortskern is op de westfäälsche Sied un bi'n DIWA hett Nierenhof Eenheitsplural). Jüstso Osterfeld in de Stadt Oberhausen. --::Slomox:: >< 18:16, 26. Sep. 2008 (CEST)

Wupperdaal is nich bi de Listen vun Öörd. Sarcelles ✍ 22:11, 17. Jan. 2011 (CET)

Trech

De Belegoortdatenbank vun dat Neddersassische Wöörbook mit 3027 plattdüütsche Naams hebbt wi hier nu kumplett. Bi de Naams ut dat Archiv vun dat Westfäälsche Wöörbook sünd vun üm un bi 1200 Naams noch 650 na. --::Slomox:: >< 02:23, 29. Sep. 2008 (CEST)

Ik bün noch neet so heel nau d'r achterkomen, wat ji in disse List van Plattdütske Oorstnamen hebben willen. Sall daar allens sammelt worden, wo enerwenher maal de Naams bruukt worden sünd of willen ji blot hebben, wo dat vandag nöömt word? Wenn de Naams ut sükse Wellen as de Belegoortdatenbank komen, dann was dat moi, wenn disse Naams kentekend worden, dat geiht ja ok good mit de ref-Tags. Denn daar hebb ik ja nu all en paar bi sehn, de vandag seker neet so mehr bruukt worden, t.B. de Jerove/Jiiroov-Saak. Un villicht kunn man ok nett so een Tag an Naams an maken, de een so ut de Spraakbruken kennen deit un daar kien Well för hett. Denn was daar en bietje Ördnen binnen. Termo 00:16, 6. Okt 2008 (CEST)

enerwenher maal is nich, wat wi hebben wüllt. Idealerwies schall dat de Naam wesen, de vun all Lüüd in'n Oort jüst so bruukt warrt. Wenn de jungen Lüüd in'n Oort en verhoochdüütschte Form bruukt un de olen de original ole plattdüütsche, denn schullen wi konservativ wesen un de ole as Hööftindrag nehmen un de verhoochdüüschte ok mit bischrieven, aver ok as verhoochdüütscht kenntekenen. Wenn de ole Form al kumplett utstorven is, denn schullen wi de verhoochdüütschte Form as Hööftindrag nehmen un bi de ole Form dorbischrieven, dat de fröher mal so bruukt worrn is. Op jeden Fall schullen wi in de Listen blot Naams opnehmen, de ut de neeplattdüütsche Tied sünd, also nix wat öller is as 1800. Wenn wi gorkeen Naam direkt ut'n Oort hebbt, blot een ut de Ümgegend (also en binnenplattdüütsch Exonym), denn schullen wi dat ok dorbischrieven.

Ik heff nu anfungen, de Refs natodregen. --::Slomox:: >< 18:00, 6. Okt 2008 (CEST)

De Indrääg ut dat Archiv vun dat Westfäälsche Wöörbook sünd dor nu ok kumplett mit in. Denn mutt ik mi dor nu wedder op kunzentreern, dat ik ne'e Listen ran'n Laden krieg. In Sleswig-Holsteen is noch Potential, dücht mi. --::Slomox:: >< 16:24, 19. Nov. 2008 (CET)

Sleswig-Holsteen

Süht so ut, as wenn Hein Thies sien List för Sleswig-Holsteen trech hett. Tominnst gifft dat hier en lange List mit Naams. --::Slomox:: >< 01:26, 16. Dez 2009 (CET)

OpenStreetMap

Ik heff nu vör, de Naams, de wi hier sammelt hebbt, bi OpenStreetMap intodragen, dat dor denn en plattdüütsche Koort bi rutkummt. Hier kann een al sehn, woans dat utsütt. Bet nu sünd dat bloot enkelte Naams (Ollnborg, Brunswiek, Swerin, Meideborg etc.). --::Slomox:: >< 16:02, 13. Apr. 2011 (CEST)

Kreis Herwede

http://www.nw-news.de/lokale_news/herford/herford/4606709_Als_die_Karte_sprechen_lernte.html

Gode Saak, ok wenn de dat mit freie Inhalte noch nich so hebbt un den Kraam verköpen wüllt... (Groten Tüdelkraam. Geld verdenen kannst dor doch nich mit. Dor hebbt se wohrschienlich liekers noch veel Geld ut de öffentliche Hand toschaten. Wohrschienlich bringt de Kooppries kuum 10% von de Kösten wedder rin. Aver höllt wiss 90% von de potentiellen Lesers/Hörers af.) --::Slomox:: >< 23:18, 16. Jun. 2011 (CEST)

Landkreis Deefholt

En Sammlung von de Naams ut'n Landkreis Deefholt schall in'n Mai 2013 rutkamen:

http://www.weser-kurier.de/region/diepholz_artikel,-Plattdueuetsche-Landkaart-kommt-im-Mai-2013-_arid,402265.html

--::Slomox:: >< 20:41, 21. Okt 2012 (CEST)

Un hier is nu de Lenk to de Koort online: http://www.weser-hunte.de/plattdeutsche_kreiskarte/ --::Slomox:: >< 11:03, 1. Jul. 2013 (CEST)

Box för Städer un Gemenen

Hey! Man ene lüttke Froge: Wo maak ik ene Box för de Städer un Gemenen in Kreis X or för de oorte van en Stad or Gemeen?--Flaverius ✍ 17:29, 23. Jun. 2015 (CEST)

Moin. De Vörlagen doot Vörlaag:Gemeenbox un Vörlaag:Dörpbox heten. Dor op de Sieden is ok de Wikitext to'n Rutkoperen to finnen. --::Slomox:: >< 08:52, 24. Jun. 2015 (CEST)

Ah, nee. Du meenst dat, wat du op Kategorie Diskuschoon:Wikipedia:Navigatschoonsliest fraagt hest, oder? Ik heff di dor en Antwoord geven. Wenn di dat noch nich helpt, denn musst du noch maal seggen, wat nich klappt. --::Slomox:: >< 08:59, 24. Jun. 2015 (CEST)

Dialektvarianten

Ich weiß nicht, ob das den Autoren dieser Seiten so klar ist, aber es gibt über 30 verschiedene niedersächsische Dialekte, und nicht jeder Ortsname ist in allen Dialekten gleich, hinzu kommen selbst dann, wenn diese gleich ausgesprochen werden, noch verschiedene Rechtschreibregeln, denen die einzelnen Dialekte folgen. Ich weil nicht, wie man es genau in Norddeutschland schreiben würde, wahrscheinlich, wenn es sehr ähnlich ausgesprochen wird, Hüüwel, aber in Mönsterländsk wird es wegen dem gequetschten "e" hinter dem "ü" eindeutig Hüëwel geschrieben, wobei das "ë" ein Buchstabe ist, der im Norden nicht vorkommt, aber im Münsterlandisch ständig. Das sollte vielleicht auf dieser Seite in der Form berücksichtigt werden, als dass man angibt, wo es wie lautet und geschrieben wird. Es ist letztlich dem Problem vergleichbar, dass man bspw. Saarbrücken in Deutsch wie vor schreibt, in Frankreich aber Saarbruck, wobei das "u" dort als "ü" gesprochen wird, und die Endung "en" wegfällt. Da haben wir also beides sogar in einem Wort, eine Schreibvariante und eine Wortvariante. Übrigens, Hüëwel ist ein Stadtteil von Bockum-Hövel. --Joachim Mos ✍ 12:53, 8. Dez 2016 (CET)