Wikipedia Diskuschoon:Wikiprojekt Öörd/Süüdholsteen

Bi den Kreis Stormarn hebb ik en List inarbeit', de meist nipp un nau mit de List vun den Heimatvereen övereenstimmen deit. Man an dree Stäen gaht de beiden Listen ut'neen. Nu denk is, dat lett sik bloß verklaren, wenn de Autor siene egen Oortsnaams in de List sotoseggen inarbeit' hett. Vun dorher sünd sachs de dree Naams, de nich övereenstimmt, de, wo een sik an'n meisten för intresseern scholl. To'n Vergliek vun de beiden Listen is dat bannig ungünstig, dat use Wikipedia-List nich eenfach na dat Alphabet geiht. So mutt een jummers hen un her jumpen un tosehn, of he en Naam nich doch enerwegens mit unnerstahn hett. Ik slah vör, wi begeevt us de Idee, allens na de Togehörigkeit to en gröttere Ordnung (Dörp, Stadt) in to sorteern, un gaht eenfach stracks na dat ABC. Egolweg, of dat sik nu um en Dörp, en Stadt oder bloß en Dörps- oder Stadtdeel hannelt. Anners könnt wi den Vergliek nich wuppen.

Mi is bavenhen upfullen, dat bestimmte Naams an unnerscheedliche Stäen updükern doot, t.B. Reetwisch, Reetwischdörp un Reetwischhoff. --Bolingbroke ✍ 20:14, 24. Mai 2009 (CEST)